Ба гузориши икно, ба нақл аз пойгоҳи иттилоърасонии Остони Алавӣ, Ҳасан Закӣ, яке аз ходимони ҳарами ҳазрати Имом Алӣ (а), дар ин бора гуфт: «Бо ҳамоҳангии бахшҳои пуштибонӣ, рафтуомади беш аз 100 дастаи азодорӣ дар шаби вафоти Паёмбари гиромии Ислом осон карда шуд. Аз миёни онҳо, ҳашт дастаи бузург маросими сӯгвориро дар дохили саҳни муборак баргузор карданд ва дигар дастаҳо низ ба муҳити атрофи саҳни Ҳайдарӣ ворид шуданд.»

Алӣ Абд Зайд Козим, яке дигар аз ходимони остони Алавӣ, низ дар ин бора гуфт: «Остони муқаддаси Алавӣ тамоми тавони худро барои ироаи беҳтарин хадамот ба зоироне, ки ба зиёрати оромгоҳи Амирулмуъминин (а) меоянд, ба кор гирифтааст.»

Вай тавзеҳ дод: «Ин хадамот тақсими се ваъдаи ғизо дар як рӯз, аз ҷумла ваъдаҳои асосӣ ва миёндудҳо, инчунин фароҳам кардани маконҳо барои истироҳат ва иқоматро дар бар мегирад, то осоиш ва рифоҳи зоирон дар тӯли давраи зиёрат таъмин шавад.»

Алӣ Абд Зайд Козим изҳор кард, ки ин фаъолиятҳо аз рӯзи 10-уми моҳи Сафар оғоз шуда, то поёни маросими эҳёи солгарди вафоти Паёмбар (с) идома хоҳад дошт.

Гуфтанист, ки ин талошҳо дар чаҳорчӯби тарҳи хидматрасонӣ ба зоирон анҷом мешавад, ки Остони муқаддаси Алавӣ барои зоирон дар давраи зиёрати Арбаъин ва зиёрати солгарди вафоти Паёмбари Акрам ҳазрати Муҳаммад (с) таҳия кардааст.

4369373