Малайзия: Ҳеҷ созише бе таъмини ҳуқуқи пурраи фаластиниён пойдор нахоҳад шуд

Сарвазири Малайзия, бо таъкиди мавқеи устувори кишвараш дар масъалаи Фаластин, эълон кард, ки ҳеч тарҳ ё созише, ки ҳуқуқи пурраи мардуми Фаластинро таъмин накунад, наметавонад пойдор ё амалан иҷроӣ шавад.

Ба гузориши ИҚНО, ба нақл аз Маркази иттилоотии Фаластин, Анвар Иброҳим дар суҳбат бо хабарнигорон гуфт: ҷомеаи ҷаҳонӣ бояд дар баробари тарҳҳое мавқеи равшан ва қотеъ бигирад, ки дар амал сабаби заифшавӣ ё аз байн рафтани ҳуқуқи фаластиниён мешаванд.

Ба гуфтаи ӯ, поён додан ба таҷовузҳои режими саҳюнистӣ ва қатъи комили сохтмонҳои ғайриқонунӣ дар Каронаи Ғарбӣ ду шарти асосӣ барои расидан ба ҳар гуна ҳалли одилона ва пойдор мебошанд.

Сарвазири Малайзия афзуд: ин мавқеи рӯшанро шахсан дар мулоқот бо Доналд Трамп, раисиҷумҳури ИМА, баён кардааст. Ӯ гуфт, ин мавқеъ инъикоси иттифоқи сиёсӣ дар Малайзия дар бораи зарурати пуштибонии пурра аз ҳуқуқи мардуми Фаластин мебошад.

Анвар Иброҳим ҳамчунин таъкид кард, ки таъсиси кишвари мустақили Фаластин бар асоси марзҳои соли 1967 бо пойтахтии Қудси Шарқӣ ягона роҳи хотима додан ба ранҷи мардуми Фаластин ва дастёбӣ ба сулҳи ҳақиқӣ ва пойдор дар минтақа аст.

Ӯ зикр кард, ки ҳар тарҳе, ки ин усулҳои асосиро нодида бигирад, на танҳо ҳалл ба ҳисоб намеояд, балки метавонад сабаби амиқшавии буҳрон ва нооромии бештари Ховари Миёна гардад.

4318297