Тақсим кардани беш аз 5 ҳазор нусха Қуръон дар Намоишгоҳи китоби Кувайт
Ба гузориши «ИҚНО» ба нақл аз «Ал-Мадина», ин нусхаҳои Қуръон дар ғурфаи Вазорати умури исломии Арабистони Саудӣ ба меҳмонон дода шуданд.
Ин ғурфа бо пазироии зиёд рӯбарӯ гардида, меҳмонон бо навъҳои гуногуни Қуръонҳои чопшудаи Арабистон дар андозаҳои мухталиф, лоиҳаҳои Арабистон дар заминаи чопу тарҷумаи Қуръон ба забонҳои гуногун ва фаъолиятҳои исломии ин кишвар ошно шуданд.
Ҳузури Арабистон дар ин чорабинӣ дар чорчӯби кӯшишҳои ин кишвар барои ширкат дар маҳфилҳои байналмилалӣ, тақвияти робита бо ҷомеаҳои гуногун ва густариши паҳнкунии Қуръон дар ҷаҳон анҷом шудааст.
Чилу ҳаштумин Намоишгоҳи байналмилалии китоби Кувайт 20 ноябри соли 2025 (28 обон) бо ширкати 611 муассисаи нашриётӣ аз 33 кишвари арабӣ ва ғайриарабӣ таҳти шиори «Пойтахти фарҳанг; сарзамини китоб» оғоз шуд ва рӯзи шанбе, 29 ноябри соли 2025 (8 азар) ба анҷом расид.
Намоишгоҳи имсола ҳамзамон бо интихоб шудани Кувайт ҳамчун пойтахти фарҳанг ва расонаи арабӣ дар соли 2025 баргузор гардид ва Умон ҳамчун меҳмони фахрӣ ҳузур дошт.
4319936
