Боздиди умрагузорон аз 34 кишвар аз Маҷмааи Қуръони Мадина

Ҳайате иборат аз умрагузорон аз 34 кишвар аз Маҷмааи чоп ва нашри Қуръони «Малик Фаҳд» дар шаҳри Мадина боздид ба амал овард.

Ба гузориши «ИҚНО» ба нақл аз «ал-Виом», Маҷмааи чопи Қуръони карими Малик Фаҳд дар Мадинаи мунаввара рӯзи душанбе (15 дей) мизбони ҳайате аз барномаи «Умраи ҷаҳонӣ» буд, ки аз ҷониби яке аз муассисаҳои хайрияи миллӣ дар Арабистони Саудӣ дар заминаи хадамоти иҷтимоӣ иҷро мешавад.

Ин боздид дар чорчӯби барномаҳое анҷом шуд, ки ҳадафашон ошно кардани меҳмонон бо талошҳои Арабистони Саудӣ дар хидмат ба Қуръони Карим, чопи Қуръон ба забонҳои гуногун ва интишори каломи ваҳй дар саросари ҷаҳон мебошад.

Ин ҳайат иборат аз 200 зоир аз 34 кишвар буд, ки дар ҷараёни боздид, шарҳҳо дар бораи равандҳои фаъолиятҳои Маҷмааи Қуръонии Малик Фаҳд, нақши пешқадами он дар чопу тақсими нусхаҳои Қуръон дар сатҳи ҷаҳонӣ, ҳимояти Подшоҳии Арабистон аз хидмат ба Қуръони Карим ва улуми Қуръонӣ, инчунин интишори нусхаҳои каломи ваҳй ва тарҷумаи Қуръон ба забонҳои мухталиф бо истифода аз навтарин технологҳо дарёфт карданд.

Ҳамчунин зоирони умра бо васоил ва таҷҳизоти чопу нашри Қуръон, марҳилаҳои гуногуни чоп бо баландтарин меъёрҳои сифат, нусхаҳои Қуръон дар андозаҳои мухталиф ва тарҷумаҳои Қуръон ба 79 забон шинос шуданд.

Ин боздид бахше аз рисолати инсондӯстона ва фарҳангии Арабистонро дар расондани Китоби Худо ба мусалмонони саросари ҷаҳон ва тақвияти арзишҳои миёнаравӣ ва иътидол, бар асоси Қуръон, таҷассум кард.

4327505