Сиюякӯмин мусобиқаҳои Қуръон барои деҳқонон ва кӯчманчиён баргузор мешаванд.
Ба гузориши ИКНО, яке аз муҳимтарин рӯйдодҳои қуръонии Вазорати ҷиҳоди кишоварзӣ баргузории давраи сиюякӯмин мусобиқаҳои Қуръон, махсуси деҳқонон ва кӯчманчиёни кишвар мебошад.
Ин мусобиқаҳо беш аз бист сол собиқа доранд ва соли гузашта зиёда аз 11 ҳазор нафар дар бахшҳои гуногун дар онҳо ширкат варзиданд. Сабти номи ин давра то поёни моҳи дей идома хоҳад дошт.
Хоҳишмандон метавонанд бо ирсоли рақами 72 ба рақами кӯтоҳи 30001515 вориди низоми «Кишоварз Салом» шуда, сабти ном намоянд.
Марҳилаҳои ноҳиявӣ, вилоятӣ ва минтақаии ин мусобиқаҳо пеш аз моҳи Рамазон ва марҳилаи ҷумҳуриявӣ дар моҳи урдибиҳишти соли оянда баргузор мегардад. Бархе аз ғолибони солҳои гузашта ба дидори Мақоми муаззами Раҳбарӣ мушарраф шуда, ҳатто дар ҳузури эшон тиловат анҷом додаанд.
Маҳдӣ Нодӣ, раиси маркази Вазорати ҷиҳоди кишоварзӣ гуфт: умедворем имсол низ шоҳиди ҳузури фаъолу густардаи деҳқонон ва кӯчманчиён дар ин рӯйдод бошем.
Нодӣ бо ишора ба ин нукта, ки аз вижагиҳои ин рӯйдод ки дар давраҳои гузашта низ ҳамчун як меъёр дар фаъолиятҳои қуръонии Вазорати ҷиҳоди кишоварзӣ пайгирӣ шудааст омезиши омӯзиш бо рақобати ширкаткунандагон мебошад, афзуд: барои баргузории синфҳои омӯзишӣ дар канори мусобиқаҳо аз дониш ва таҷрибаи омӯзгороне, ки ҳамзамон ба ҳайси доварони мусобиқа ҳузур доранд, истифода хоҳем бурд.
4328961
