Қуръони нодири Ал-Азҳар; таҷаллии хушнависии қуръонӣ дар асри рақамӣ
Ба гузориши Икно ба нақл аз «Фито», як нусхаи вижаи Қуръони карим, ки ҳосили ду даҳсола талош аст, дар гӯшаи Ал-Азҳар дар панҷоҳу ҳафтумин Намоишгоҳи байналмилалии китоби Қоҳира дар соли 2026 ба намоиш гузошта шудааст.
Ин Қуръон ҳадяе аз ҷониби анҷумани исломии «Ал-Макназ»-и Миср аст, ки хушнависии марҳум Муҳаммад Ҷаъфар Бейгро, ки як қарн пеш даргузаштааст бо нубуғи фанноварии рақамӣ дар ҳам омехта, то меросе басарӣ ба ҷаҳони ислом ироа диҳад, ки шукӯҳи давраҳои мамлукиён ва илхониёнро тадоъӣ мекунад.
Ин нусхаи таърихӣ ва истисноии Қуръони Карим таваҷҷуҳи боздидкунандагони Намоишгоҳи байналмилалии китоби Қоҳираро ба худ ҷалб карда ва асаре ҳунарист, ки асолати хушнависии шоҳонаро бо фанноварии пешрафтаи компютерӣ дар ҳам омехтааст.
Ин Қуръон самараи талошҳои густардаи илмӣ ва фаннӣ буда, бо истифода аз хати машҳури «Малик Фуод» ҳуруфчинӣ шуда ва тавассути нармафзорҳои ихтисосии компютерӣ ба шакли рақамӣ бозсозӣ гардидааст.
Ин иқдом пас аз ҳамкории анҷумани исломии Ал-Макназ бо хушнависони моҳири хати насх ва бо такя бар хушнависии хаттоти бузург Муҳаммад Ҷаъфар Бейг (даргузашта соли 1916 милодӣ) анҷом шуд. Ӯ қоидаҳои хати насхро барои чопхонаи Амирӣ тадвин кард; қоидаҳое, ки навовартарин низоми хаттӣ маҳсуб мешаванд, ки ҷаҳони ислом то кунун шоҳиди он будааст.
Ин Қуръон ҳосили тақрибан 20 сол заҳмат аст ва бо истифода аз нақшу нигорҳои ҳандасии илҳомгирифта аз Қуръонҳои хаттии гаронбаҳои давраҳои илхонӣ ва мамлукӣ китобат шудааст ва ба далели диққати бисёр дақиқ ба рангҳои истифодашуда дар тазҳиб ва ороиш, барои мутобиқат бо нусхаҳои таърихии аслӣ, аз дигарон мутамойиз мебошад.
Ҷилди он аз чарми табиии холис, ки бо гиёҳон даббоғӣ шудааст, сохта шуда ва дорои нақшҳои мураккаб аз рангҳо ва тилло, ҳамчунин кандакории гармии барҷаста барои тақлиди намунаҳои ҳандасии давраи мамлукӣ мебошад.
Анҷумани исломии Ал-Макназ ин нусхаи Қуръони каримро ҳамчун ҳадяе бо вижагиҳои хос ба маркази исломии Ал-Азҳар тақдим кардааст. Дар таҳияи он аз беҳтарин навъи коғаз, сохташуда аз пахтаи холис ва бидуни кислота, истифода шудааст, то дурахшиш ва ҷилои тазҳиб ва рангҳо барои муддати тӯлонӣ ҳифз гардад.
Панҷоҳу ҳафтумин Намоишгоҳи байналмилалии китоби Қоҳира аз 23 январи соли 2026 (3 баҳман) дар маркази намоишгоҳҳои байналмилалии Миср оғоз шуда ва то 3 феврали соли 2026 (14 баҳман) идома меёбад.
«Як соат таваққуфи мутолиа; садсолаҳо ақибмондагӣ» шиори ин давраи намоишгоҳ аст ва 1457 маркази нашриётӣ аз 83 кишвар дар ин рӯйдод ҳузур доранд.
4331610
