Раводидҳои зиёрат иҷозаи адои ҳаҷ нестанд

Вазорати кишварии Арабистони Саудӣ таъкид кард, ки ҳеҷ як аз навъҳои раводидҳои зиёрат ба дорандаи худ иҷоза ва салоҳияти анҷоми фарзияи ҳаҷро намедиҳанд.

Ба гузориши икно ба нақл аз «Ахбор 24», ин вазорат таъкид намуд, ки гирифтани иҷозатномаи расмӣ ва қонунии ҳаҷ шарти асосӣ ва муҳим барои анҷоми фаризаи ҳаҷ аст.

Ҳамчунин Вазорати кишварии Арабистон мардумро ба риояи дастурҳои мавсими ҳаҷи соли ҷорӣ ва ҳамкорӣ бо ниҳодҳои дахлдор барои таъмини амният ва саломатии меҳмонони Худованди меҳрубон ташвиқ кард ва огоҳӣ дод, ки аз муқобила бо ин дастурҳо худдорӣ кунанд, то мабодо онҳое, ки ба он мухолифат мекунанд, дар назди муҷозотҳои қонунии дахлдор қарор гиранд.

Дар идома, вазорат аз шаҳрвандони худ ва ҳамаи ҳозирон дар маросими ҳаҷи имсол хост, ки дар хабар додан ва иттилоърасонӣ дар бораи вайронкунандагони ин қоидаҳо пешсаф бошанд ва ҳолатҳои монандро тавассути рақами 911 дар минтақаҳои Маккаи Мукаррама, Мадинаи Мунаввара, Риёз ва минтақаи шарқӣ (Арабистон) ва тавассути рақами 999 дар дигар минтақаҳои салтанати Арабистони Саудӣ гузориш диҳанд.

4349758