Нигоҳдории порчаи метали нақшбандшуда бо оёти Қуръон дар Осорхонаи Алкафил

Осорхонаи Алкафил, ки вобаста ба Остони муқаддаси Аббосӣ дар Карбало мебошад, як порчаи метали биринҷиро, ки бо оёти Қуръони Карим ҳаккокӣ шудааст, дар миёни мероси худ нигоҳдорӣ ва сабт намудааст.

Бино ба гузориши икно, бо истинод ба пойгоҳи иттилоотии Алкафил, Осорхонаи ганҷинаҳо ва нусхаҳои хаттии Алкафил дар ҳарами мутаҳҳари Аббосӣ порчаи металиро дар миёни осори худ ба қайд гирифтааст, ки иборат аз як дасти металии сохташуда аз биринҷ мебошад. Ин даст бо оёти Қуръон нақшбандӣ шуда, ҷанбаи рамзии санъати металкориро таҷассум менамояд.

Ин порча 12 сантиметр дарозӣ, 9,5 сантиметр паҳно ва 103 грамм вазн дорад. Ҳамчунин, бар рӯи он соли 1221 ҳиҷрии қамарӣ ҳаккокӣ шудааст, ки аҳаммияти таърихии онро ва иртиботашро бо давраи барҷастаи санъати ороиши метал нишон медиҳад.

Ин осор, ки шакли кафи даст дорад, бо нақшу нигори ҳандасӣ ва хушнависӣ оро ёфтааст ва бо ибораи «Ядуллоҳ фавқа айдиҳим, ё Муҳаммад, сана 1221, ё Алӣ» музайян гардидааст. Номҳои чордаҳ маъсум (а) низ бар ангуштон ва кафи даст ҳаккокӣ шудаанд. Дар тарафи дигари он Оятулкурсӣ дар тӯли ангуштон ва кафи даст тасвир шудааст, ки ҷанбаҳои маънавӣ ва зебоишиносиро дар бар мегирад.

Ин порча нишондиҳандаи дақиқкорӣ ва нозукиест, ки ҳунармандон ба санъати металкорӣ ихтисос додаанд ва гуногунӣ ва латофати услубҳои ороиширо ба намоиш мегузорад.

Ҳамчунин, ин асари қуръонӣ ба ҳифз ва интиқоли санъати металкорӣ ҳамчун бахши ҷудонашавандаи ҳувияти фарҳангӣ мусоидат мекунад.

4351126