Истиқболи корбарон аз Қуръонхонии ронандаи ҳоҷиён + видео
Бино ба иттилои икно бо истинод ба «Ал-Явм ас-Собеъ», шабакаи телевизионии «Ал-Ҳаёт» саҳнаи таъсиргузореро пахш кард, ки вокуниши васеи тамошобинонро ба ҳамроҳ дошт. Дар ин саҳна, як ронандаи мисрӣ ҳангоми иҷрои вазифаи худ дар интиқоли ҳоҷиён ба Маккаи мукаррама, оятҳое аз Қуръони Каримро бо овози дилнишин ва ба сабки тартил тиловат намуда, фазои маънавии хоссе барои мусофирон фароҳам овардааст.
Дар навори мазкур ронанда ҳангоми сафар бо зоирон дар ҳоли тиловати Қуръон дида мешавад; манзарае, ки хидмат ба меҳмонони Худо, иҷрои вазифа ва унс бо Қуръони Каримро дар ҳам омехтааст.
Ин ронандаи мисрӣ оятҳои 34 ва 35-уми сураи Иброҳимро дар фазое саршор аз хушӯъ ва таъсири рӯҳӣ барои мусофирон тиловат кардааст:
> «Ва аз ҳар чӣ аз Ӯ хостед, ба шумо дод. Агар неъматҳои Худоро бишуморед, ҳаргиз наметавонед онҳоро ба шумор оваред. Ба ростӣ, инсон бисёр ситамгар ва носипос аст. Ва ёд кун ҳангомеро, ки Иброҳим гуфт: Парвардигоро! Ин шаҳрро амн гардон ва ману фарзандонамро аз парастиши бутҳо дур нигоҳ дор.»
Ин навор таҳсини зиёди корбарони шабакаҳои иҷтимоиро ба бор овард. Онҳо аз овози зебо, маҳорати қироат ва тасаллути ронанда ба тиловати Қуръон ситоиш карданд.
Корбарон ҳамчунин таъкид намуданд, ки чунин саҳнаҳо нишондиҳандаи пайванди амиқи мардуми Миср бо Қуръони Карим ва иштиёқи онҳо ба густариши фазои маънавӣ, махсусан дар рӯзҳои мубораки Ҳаҷ ва рӯзи Арафа мебошад.
4355543
