Бино ба гузориши икно ба нақл аз сомонаи Остони муқаддаси Алавӣ, ин маҳфили қуръонӣ дар доираи чорабиниҳои бузургдошти понздаҳумин Ҳафтаи Ғадир бо ибтикори Дорулқуръони Остони муқаддаси Алавӣ дар саҳни мутаҳҳари Имом Алӣ (а) дар Наҷафи Ашраф баргузор гардид.

Ин барнома бо ҳадафи таҳкими пайванди Қуръон ва Аҳли Байт (а) ва инчунин нишон додани иртиботи рӯзи Ғадир бо Қуръони Карим баргузор шуд. Дар ҷараёни он оятҳое аз сураи муборакаи Моида, ки ба таъйини Амирулмуъминин (а) марбут мебошанд, тиловат гардиданд.

Ин рӯйдод бо ҳузури густурдаи зоирон ва инчунин иштироки донишҷӯён ва кормандони бахши Дорулқуръони Карим баргузор шуд. Ҳадафи он густариши фарҳанги қуръонӣ ва таҳкими мафҳумҳо ва арзишҳои Иди Ғадир дар қалбҳои мардум ва ҷомеа буд.

4355956