Парчами Ошуро дар қалби Аврупо ба эҳтизоз даромад

Ҳамзамон бо рӯзҳои Тосуо ва Ошурои Ҳусайнӣ, ҳазорон нафар аз пайравони мазҳаби шиа ва дӯстдорони Аҳли байт (а) дар шаҳрҳои гуногуни Аврупо бо барафрохтани парчамҳои азо ва сар додани нидои «Лаббайк ё Ҳусайн», паёми озодагӣ, иззат ва муқовимати Карбалоро дар қалби ин қора танинандоз карданд.

Бино ба гузориши икно ба нақл аз шабакаи Ал-Олам, кӯчаҳо ва марказҳои исломӣ аз Лондон, Осло ва Лоҳа то Ҳамбург, Рим, Брюссел ва Стокҳолм дар рӯзҳои охир мизбони азодороне буданд, ки бо миллатҳо ва забонҳои гуногун гирди парчами Сайидушшуҳадо (а) ҷамъ омада, хотираи ҳамосаи Карбалоро, ки баъд аз қарнҳо ҳамоно илҳомбахши озодагон аст, зинда нигоҳ доштанд.

Яке аз бошукӯҳтарин ин маросимҳо рӯзи шанбе, 30-юми хурдод, дар шаҳри Осло — пойтахти Норвегия баргузор гардид. Наздик ба ду ҳазор нафар аз пайравони шиа ва дӯстдорони Аҳли байт (а) бо миллатҳо ва пешинаҳои гуногун дар роҳпаймоии маъруф ба «Ошуротуг» ширкат карда, аз истодагарӣ, шуҷоат ва фидокории Имом Ҳусайн (а) ва ёрони вафодори эшон дар саҳрои Карбало ёд карданд.

Дар ҷараёни роҳпаймоии Осло инчунин нидои «Лаббайк ё Хоманаӣ» ба гӯш мерасид ва бархе аз азодорон бо дар даст доштани парчами Ҷумҳурии Исломии Эрон, пайванди паёми Ошуро бо истодагарии муосир дар муқобили зулм, ишғолгарӣ ва султаҷӯиро ба намоиш гузоштанд.

Тасвирҳои мунташиршуда аз ин маросим нишон медиҳанд, ки шиорҳои Ҳусайнӣ дар баробари эъломи вафодорӣ ба ормонҳои муқовимат фазои кӯчаҳои пойтахти Норвегияро фаро гирифта, парчамҳои сурху сиёҳи Ошуро дар канори парчами Эрон ба эҳтизоз даромада буданд.

Роҳпаймоии Ошурои Ҳусайнӣ дар шаҳри Лоҳаи Ҳолланд низ якшанбеи гузашта баргузор гардид.

Шаҳри Ҳамбург имрӯз, панҷшанбе, мизбони роҳпаймоии Ошуроӣ буд. Дар Брюссели Белгия низ Маркази «Маҳдия» аз 25-уми хурдод барномаҳои даҳаи аввали моҳи Муҳаррамро бо ҳузури азодорони форсизабон ва дигар дӯстдорони Аҳли байт (а) баргузор намуд. Маросимҳои шабеҳ дар Стокҳолм ва дигар шаҳрҳои Шветсия низ ба забонҳои форсӣ, арабӣ ва шведӣ баргузор гардида, наслҳои гуногуни мусулмонони муҳоҷирро зери парчами Сайидушшуҳадо (а) гирди ҳам овард.

Роҳпаймоии бузурги Ошуро дар шаҳри Берлин низ барои рӯзи шанбеи оянда барномарезӣ шудааст. Баргузоркунандагон аз ҳамаи инсонҳои озода ва мухолифони зулм даъват кардаанд, ки дар ин ҳаракат ширкат намуда, паёми ҷовидонаи «Ҳайҳот минназ-зилла» («Ҳаргиз зиллатро намепазирем»)-ро дар пойтахти Олмон садо диҳанд.

Дар Англия низ Маркази Исломии Англия ва даҳҳо масҷид, ҳусайния ва марказҳои динӣ дар Лондон ва дигар шаҳрҳо маросимҳои Тосуо ва Ошурои Ҳусайниро баргузор кардаанд. Роҳпаймоии асосии Ошуро низ рӯзи ҷумъа дар маркази шаҳри Лондон баргузор хоҳад шуд.

4360382