Ҳашду Шаъбӣ:Маросими ташйеи раҳбари шаҳид дар Ироқ бо дархости ҳукумати Ироқ баргузор мешавад
Ба гузориши икно ба нақл аз Шафақ Ньюз, Муҳанд ал-Ақобӣ, мудири кулли идораи иттилоърасонии Созмони Ҳашди Шаъбии Ироқ, гуфт: «Ин маросим як ташйеи расмӣ буда, бо иштироки ниҳодҳои дахлдори давлатӣ баргузор мегардад.»
Ёдовар мешавем, ки Сайид Аббос Ароқчӣ, вазири корҳои хориҷии Эрон, ки дирӯз ба Ироқ сафар карда буд, бо Эҳсон ал-Аводӣ, раиси дафтари нахуствазири Ироқ ва масъули кумитаи ташйеи раҳбари шаҳиди Эрон дар Ироқ, мулоқот ва гуфтугӯ анҷом дод.
Ал-Аводӣ дар ин мулоқот баргузории маросими ташйеи раҳбари шаҳид дар Ироқ ва шаҳрҳои муқаддасро мояи ифтихори таърихии мардуми Ироқ арзёбӣ карда, таъкид намуд, ки ҳукумат ва мардуми Ироқ барои ҳарчи бошукӯҳтар баргузор шудани ин маросим аз ҳеҷ талоше дареғ нахоҳанд кард.
Ҳамчунин, Насиф Ҷосим ал-Хаттобӣ, волии вилояти Карбало, дар ҷараёни сафари Сайид Аббос Ароқчӣ, вазири корҳои хориҷии Ҷумҳурии Исломии Эрон, ба ин вилоят бо ӯ мулоқот ва гуфтугӯ кард.
Тибқи баёнияи волии Карбало, дар ин мулоқот ҷонибҳо дар бораи охирин омодагиҳо барои истиқболи пайкари мутаҳҳари раҳбари шаҳид ва баргузории маросими расмии ташйеъ дар вилояти Карбало табодули назар намуданд.
Дар ин баёния ҳамчунин омадааст, ки илова бар баррасии тадбирҳои омодагӣ барои баргузории маросими ташйеъ, як қатор масъалаҳои мавриди таваҷҷуҳи муштараки ду ҷониб низ бо ҳадафи таҳкими ҳамоҳангӣ ва таъмини иҷрои ҳарчи беҳтари барномаҳои ташкилии маросим мавриди баррасӣ қарор гирифтанд.
4361087