Оятуллоҳ Хоманаӣ роҳбурди муқовиматро бар се асли роҳбарӣ, ҳокимият ва пешоҳангӣ бунёд ниҳод
Монӣ Баъзовӣ, нависанда ва устоди тахассусии адабиёти муқовимат аз кишвари Тунис, дар суҳбат бо хабарнигори икно дар ҳошияи маросими видоъ бо Оқои шаҳиди Эрон дар Теҳрон гуфт: «Роҳбурди Оятуллоҳ Хоманаӣ бар се рукни асосӣ «роҳбарӣ, ҳокимият ва пешоҳангӣ» устувор буд ва ин равиш, илова бар он ки пирӯзиҳои бузургеро рақам зад, ба густариши арзишҳои инсонӣ дар ҷаҳон низ мусоидат кард.»
Ин устоди тунисӣ афзуд: Оятуллоҳ Хоманаӣ аҳаммияти ин усулро дар таҳаққуқи ваҳдати исломӣ ва ҳимоят аз ормони Фаластин, ки онро масъалаи тамоми миллатҳо ва озодихоҳони ҷаҳон медонистанд, ба исбот расонд.
Баъзовӣ ҳамчунин бо ишора ба шаҳодати шуморе аз чеҳраҳои муқовимат, аз ҷумла шаҳидон Сайид Ҳасан Насруллоҳ ва сарлашкар Қосим Сулаймонӣ, изҳор дошт, ки онҳо барои ҳифз ва посдории ин ормон ҷони худро фидо карданд.
Ӯ дар поён хотирнишон кард: «Оятуллоҳ Хоманаӣ муқовиматро рамзи сабр, ҳикмат ва ҳидоят барои уммати исломӣ ва ҷомеаи башарӣ медонистанд; равише, ки ҳадафи он ҳифзи иззат ва каромат, дифоъ аз сарзамин ва таҳаққуқи ормонҳои миллатҳо буд.»
Монӣ Баъзовӣ шоир ва нависандаи аҳли Тунис аст. Ӯ рисолаи магистрии худро дар мавзуи «Зан ва ифтихор дар фарҳанги муосири араб» ва рисолаи доктории худро дар бораи «Сипосгузорӣ ва таъсири он бар тасаввуфи исломӣ» навиштааст. То имрӯз ӯ дастикам 15 мақолаи адабӣ, шаш маҷмӯаи шеър ва ду китоб ба нашр расондааст. Вай, илова бар забонҳои арабӣ, фаронсавӣ ва то ҳадде англисӣ, ба забони форсӣ низ сухан мегӯяд.
4363375