IQNA

23:32 - July 02, 2016
Lambar Labari: 3480574
Bangaren kasa da kasa, duk da cewa Jagoran 'yan uwa a Najeriya musulmi na tsare, duban magoya bayan sa sun gudanar da zanga-zangar raya Ranar Qudus a Jahohi daban daban na kasar.
Kamfanin dillanicn labaran Iqna ya nakalto daga shafin jaridar This Day ta habarta cewa Al'ummar musulmi Almajiran shekh Ibarahim Yakoubu Al-zakzaky sun gudanar da zanga-zangar raya ranar Qudus a jahohi daban daban na cikin kasar duk kuwa da cewa Jagoran su da wasu mukarabansa na tsare a hanun hukuma.

Mahalarta Zanga-zangar a birnin katsina sun daga kwalye da kyallaye dauke da taken yin tir da zaluntar al'ummar Palasdinu da 'yan sahayoniya su ke yi.

A garin Potuskum da ke Jahar Yobe ma an sami dandazon masu zanga-zangar da su ka fito daga cikin birnin da kuma garuruwan da su ke kusa.

A Garin Kanon Dabo ma duban magoya bayan shekh Ibrahim Zakzaky ne suka gudanar da zanga-zangar bayan kamala sallar Juma'a

A kowace shekara dai harkar musulunci a karkashin Sheik Ibrahim Yakub al-zakzaky tana gudanar da zanga-zangar ranar qudus ta duniya daidai a ranar juma'ar karshe ta watan Ramadhan bisa amsa kiran jagoran juyin musulmi, Marigayi Imam Khumain.

A shekarar dubu biyu da sha hudu dakarun tsaron Najeriya sun kai farmki kan mahalarta zanga-zangar Qudus din a garin Zariya, inda suka kashe Mutane 33 daga cikin su a kwai 'ya'yan shekh Ibrahim zakzaky guda uku.

3512025

Suna:
Adireshin Email:
* Ra'ayinka:
* captcha: