Masu Rajin kare Hakkin Musulmin Najeriya Na Fatan Ganin An Samu Zaman Lafiya A Sabuwar Shekara
Tehran (IQNA) Masu rajin kare hakkin Musulmi a Najeriya sun bayyana fatan ganin an kawo karshen tashe-tashen hankula a cikin sabuwar shekara.
A cikin sakon sabuwar shekara kungiyar kare hakkin musulmi a Najeriya ta bayyana fatan ganin an kawo karshen tashe-tashen hankula a kasar.
A cikin sakonsa na sabuwar shekara, Daraktan kungiyar kare hakkin musulmi a Najeriya MURIC Ishaq Akintola ya ce ‘yan Najeriya su yi godiya su daina duk wani abu na laifi, yada labaran karya da kalaman nuna kiyayya, tare da daukar kyawawan halaye ga kasarsu a farkon sabuwar shekara ta 2022. Allah ya kasance tare da ku. .
“Muna gargadin cewa yada labaran karya, kalaman kiyayya da wa’azin da za su tayar da hankali, wannan salo ne na yaudarar ‘yan Najeriya musamman matasa,” in ji daraktan MURIC a cikin wata sanarwa da ya fitar, yayin da yake tsokaci kan kalaman raba kan jama’a da kuma illar da ke tattare da rashin hadin kan al’umma.
Ya ce Sakamakon ƙarshe zai iya zama rikicin kabilanci ko na addini wanda ke haifar da kisan gilla da lalata dukiyoyi.
Ya kara da cewa: "MURIC tana kira ga 'yan Najeriya da su rungumi dabi'ar son zaman lafiya ga kasarsu a farkon sabuwar shekara ta 2022."
