Ana Amfani da Twitter wajen yada kyamar Islama a Indiya

Tehran (IQNA) Wani sabon bincike ya nuna cewa masu adawa da Musulunci a Indiya na amfani da dandalin sada zumunta na Twitter sosai wajen yada abubuwan da suka saba wa Musulunci.

Kamfanin dillancin labaran iqna ya habarta cewa, sakamakon wani bincike ya nuna cewa, dandalin Twitter ya zama cibiyar yada farfagandar kyamar musulmi a Indiya.

Wani sabon bincike ya nuna cewa akalla mutane miliyan 3.75 ne aka wallafa sakonnin kyamar addinin Islama a shafin Twitter cikin shekaru uku.

 Kamfanin Rediyo da Talabijin na Turkiyya (TRT) da ke da hedikwata a birnin Istanbul na kasar Turkiyya ne ya wallafa wannan rahoto. TRT World, ta nakalto wani bincike da Majbinalisar Musulunci ta Victoria (ICV) ta gudanar a jihar Victoria ta Ostireliya, ta bayyana cewa kyamar Musulunci a Amurka, Birtaniya da Indiya sun raba kashi 86 cikin 100 na abubuwan kyamar musulmi a shafin Twitter.

Binciken ICV ya gano cewa aƙalla saƙonni miliyan 3.76 na kyamar Islama aka buga a kan Twitter a cikin shekaru uku tsakanin 28 ga Agusta, 2019 zuwa 27 ga Agusta, 2021.

Masu bincike na ICV sun gano mahimman jigogi guda huɗu da aka saba rabawa akan Twitter tare da abun ciki na kyamar Islama.

Na farko alakar Musulunci da ta'addanci, na biyu, nuna musulmi a matsayin masu fyade, na uku, musulmi 'yan ci-rani suna haddasa hijirar turawan yamma da mabiya addinin Hindu a Indiya, na hudu kuma suna tallata halal a matsayin wani abu na rashin mutuntaka.

Masu bincike na ICV sun zargi jam'iyya mai mulki a Indiya, BJP, da rura wutar kyamar musulmi a kasar.

ICV ta kuma danganta karuwar kyamar musulmi a shafukan Twitter na Indiya da dokokin da ke nuna wariya da kuma hana su zama dan kasa.

Masu binciken sun kammala da cewa akwai alaka kai tsaye tsakanin kiyayya ta yanar gizo da laifukan kiyayya ta intanet a Indiya.

4086470