Shahararrun karatuttukan da ba a taba ji ba a gidan rediyon kur'ani na kasar Masar

Tehran (IQNA) Rediyon kur'ani mai tsarki na kasar Masar ya watsa tafsirin Sheikh Abdul Azim Zaher da Mansour Al Shami da kuma Ragheb Mustafa Gholush, wasu makarantun kasar Masar guda uku da wannan kafar yada labarai ba ta watsa shi ba har ya zuwa yanzu.

Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na tashar Masravi cewa, daya daga cikin wadannan karatuttukan shi ne karatun surar Baqarah na Sheikh ‘’Abd al-Azeem Zaher’ wanda aka gabatar a jiya Juma’a 15 ga watan Mehr a gidan rediyon kur’ani mai tsarki na kasar Masar.

A yau ne za a fara gabatar da karatun suratul Fazlat na Sheikh Mansour Al-Shami a wannan kafar yada labarai, haka nan kuma an shirya gabatar da surorin Maryam, Mutafifin da Alaq na Sheikh Raghib Mustafa Gholush a karon farko a wannan rediyo. .

A gobe Lahadi 9 ga Oktoba za a fara gabatar da Suratul Taha na Sheikh Kamel Yusuf Al-Bahtimi, Suratul Luqman na Abdul Basit Abdul Samad da kuma Suratul Raad na Sheikh Ibrahim Shasha'i.

A ranar litinin 18 ga watan mehr za'a gabatar da suratul Asr mai muryar Abdul Basit a gidan radiyon kur'ani mai tsarki na kasar Masar, kuma wannan kafar yada labarai za ta rika gabatar da surorin al-Waqeh da fajir tare da karatun Ustad Abdul Basit da kuma suratul Rum. Sheikh Taha Al-Fashni a ranar Alhamis din da ta gabata.

4090254