An hana wanda ya kona kur’ani shiga Ingila
Za a dakatar da dan siyasar Demark mai ra'ayin mazan jiya Rasmus Paludan shiga Burtaniya saboda tada hankali na kona kwafin kur'ani, kamar yadda kamfanin dillancin labaran Anatoly ya bayar da rahoto.
Tom Tugendhat, ministan tsaron cikin gida, da yake mayar da martani ga tambayar Simon Lightwood, wakilin birnin Wakefield, ya ce an saka Paludan cikin jerin gargadi kuma ba za a bar shi ya shiga kasar don kona kur'ani ba.
Lightwood wanda ke yiwa ministocin cikin gida a majalisar dokokin kasar wata tambaya ya ce: “Dan siyasar Danish mai kyamar Islama Rasmus Paludan ya ce yana shirin tafiya Wakefield daga Denmark da nufin kona kur’ani a wurin da jama’a ke taruwa. "
Ya ci gaba da cewa: An daure Paludan a baya a kasar Denmark saboda kalamansa na kiyayya da wariyar launin fata. Mutum ne mai hatsarin gaske wanda bai kamata a bar shi ya shigo kasar nan ba. Shin Ministan Tsaro zai iya tabbatar mani da al’ummar yankina cewa gwamnati na daukar matakin hana faruwar hakan?
Togundat ya amsa cewa Paludan ba za a bar shi ya shiga kasar ba saboda kona kwafin kur'ani. Ya ci gaba da cewa: "Yanzu ina sanar da majalisar cewa an saka Paludan a cikin jerin gargadi don haka tafiyarsa zuwa Biritaniya ba za ta amfanar da jama'a ba kuma ba za a bar shi ya shiga ba."
Rasmus Paludan ya bayyana a kafafen sada zumunta na yanar gizo a karshen makon da ya gabata cewa zai je Wakefield na kasar Ingila domin kona kur’ani a ranar farko ta watan Ramadan.
Paludan wanda shi ne shugaban jam'iyyar Stram Kurs mai tsatsauran ra'ayi, ya kona kur'ani a wajen ofishin jakadancin Turkiyya da ke Stockholm a watan Janairu tare da goyon bayan 'yan sanda da kuma izinin hukumomin Sweden. Bayan mako guda, ya kona kur'ani mai tsarki a gaban wani masallaci a kasar Denmark, lamarin da ya jawo suka daga kasashen musulmi da dama.
