Yaki da kyamar Islama na bukatar tsauraran matakai kan masu tsattsauran ra'ayi

Tehran (IQNA) Kungiyar Al-Azhar mai kula da yaki da tsattsauran ra'ayi, ta yi ishara da yadda ake samun karuwar kyamar Musulunci da ayyukan da ake yi wa musulmi a kasashen Turai, ta jaddada bukatar daukar kwararan matakai kan masu tsattsauran ra'ayi da dama, domin yakar wannan lamari.

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na yaum Sabi  cewa, hukumar yaki da miyagun laifuka ta kasar Jamus ta fitar da rahotonta na shekara kan adadin hare-haren da aka kai kan masallatai a kasar a shekara ta 2022.

Dangane da wannan rahoto, an sami rahotannin kai hare-hare 62 kan masallatan Jamus a bara, wanda ya karu da kashi 14% idan aka kwatanta da hare-hare 54 a shekarar 2021.

A cikin wannan rahoto, an jaddada cewa, galibin wadannan hare-haren mutane ne ko kungiyoyi masu alaka da masu ra'ayin rikau.

A nata bangaren, majalisar musulmin kasar Jamus ta bayyana cewa, yawan hare-haren da aka ambata a cikin rahoton shekara-shekara bai kai na hakikanin harin ba, saboda akwai hare-haren da ba a kai rahoto ga kungiyoyin da abin ya shafa.

Dangane da buga wannan rahoto, cibiyar lura da tsattsauran ra'ayi ta Al-Azhar ta jaddada cewa: Yaki da lamarin kyamar Musulunci yana bukatar daukar tsauraran matakai kan kungiyoyin 'yan ra'ayin ra'ayin mazan jiya da kuma rubanya kokarin inganta ra'ayoyin hakuri da zaman lafiya a cikin al'umma.

Ya zuwa yanzu dai wannan cibiya ta fitar da rahotanni da dama kan yadda ake samun karuwar hare-haren na hannun dama-da-kai kan musulmi da wurarensu masu tsarki da ci gaba da tunzura musulmi a cikin jawabai da shafukan intanet.

4141423