A gobe ne za a fara gasar kur'ani ta kasa da kasa karo na 43 a kasar Saudiyya

Makkah (IQNA) Gobe ​​uku ga watan Shahrivar ne za a fara gasar haddar kur’ani da tafsirin kur’ani ta kasar Saudiyya karo na 43 tare da halartar mahalarta daga kasashen duniya daban-daban a masallacin Harami.

Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Gulf News cewa, za a gudanar da gasar hardar kur’ani mai tsarki ta sarki Abdulaziz karo na 43 a cikin masallacin juma’a na tsawon kwanaki 11 tare da halartar mahalarta daga kasashe 117.

Za a gudanar da wadannan gasa ne a Masallacin Harami tare da goyon bayan Sarkin Saudiyya da kokarin sakatariyar gasar kur’ani mai alaka da ma’aikatar kula da harkokin addinin Musulunci da yada farfaganda da shiryarwa ta Saudiyya.

A cewar Sheikh Abdullatif bin Abdulaziz Al-Sheikh, ministan harkokin addinin musulunci, yada farfaganda da jagoranci na kasar Saudiyya, jimillar kyaututtukan na bana ya karu zuwa Riyal miliyan 4 na kasar Saudiyya, kwatankwacin dalar Amurka miliyan 1,066, kuma babbar kyautar za ta kai dala 500,000.

Ya kara da cewa: Kwamitocin gasar sun bayyana shirinsu na karbar mahalarta 166 da shugabannin tawagogi  50 daga kasashe dari das ha bakwai.

4164732