Shahada mai ratsa zuciya ta 'yar Falasdinu wacce ta haddace kur'ani
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na tashar Aljazeera cewa, masu fafutuka a shafukan sada zumunta sun wallafa wani faifan bidiyo na karatun kur’ani mai tsarki ta Janan Abarash diyar Mounir Abarash shugabar ma’aikatar lafiya ta Gaza.
Wannan bidiyo an nade shi ne tun kafin a fara yakin Gaza, kuma a cikinsa Janan tana karatun kur'ani a kusa da mahaifinta, kuma bayan kammalawa sai ta zubar da hawayen farin ciki saboda wannan nasarar, yayin da mahaifinta ke yaba ta tare da rungume ta.
Jenan ta yi shahada a harin sama da gwamnatin sahyoniya ta kai a sansanin Jabalia. A cikin wani faifan bidiyo da aka buga na shi.
Tun a ranar 7 ga watan Oktoban da ya gabata ne gwamnatin sahyoniyawan ta fara kazamin yaki a kan Gaza, sama da mutane 21,000 ne suka yi shahada a wadannan hare-haren da akasarinsu mata da kananan yara ne. A gefe guda, wadannan hare-haren sun haifar da lalata ababen more rayuwa a Gaza da kuma bala'in jin kai, wanda a cewar hukumomin Zirin Gaza da Majalisar Dinkin Duniya, ba a taba ganin irinsa ba.
