Kafa zango na karatun kur'ani a mahajjata tsakiyar watan Sha'aban a Karbala
Shafin yanar gizo na Global Kafeel Network ya bayar da rahoton cewa, an kafa wannan tashar kur’ani a cibiyar Al-Alqami da ke kan hanyar maziyarta ta hanyar Karbala-Babul, kuma tana aiki ne a karkashin kulawar cibiyar kula da kur’ani mai alaka da majalisar kula da harkokin kur’ani ta haramin Abbasid.
Wani ma’aikaci a cibiyar Sayed Sattar Jabbar Obaid ya bayyana cewa: “Cibiyar kur’ani ta shafe shekaru da dama tana kokarin kafa tashoshin kur’ani don koyar da sahihin karatun kur’ani a lokacin ziyara na miliyoyin mutane da suka hada da na tsakiyar watan Sha’aban.
Ya kara da cewa: Bisa la'akari da irin muhimmancin da suratul Fatiha (Al-Hamd) ke da shi a cikin salloli na yau da kullum, wannan tasha na da nufin koyar da maziyarta da suke zuwa Karbala domin gudanar da aikin hajjin tsakiyar watan Sha'aban daidai da karatun wannan sura mai tsarki.
Obaid ya ci gaba da cewa: Rarraba kyautuka daga albarkar hubbaren Sayyidina Abbas (a.s) a yayin gudanar da aikin ziyara a tsakiyar watan Sha'aban na daga cikin sauran ayyukan wannan tasha.
https://iqna.ir/fa/news/4266121
