Korar Malama Musulma Saboda Sanya Hijabi a Jihar Uttar Pradesh, Indiya
Shafin muslimmirror ya bayar da rahoton korar da aka yi wa wata malama Musulma saboda sanya hijabi wana ya sake tayar da muhawara game da wariyar addini a wuraren aiki da cibiyoyin ilimi a Indiya.
Samrin Bano, ta ce an kore ta daga aiki kwanaki kadan bayan ta fara wani horo a Varanasi da ke jihar Uttar Pradesh, saboda sanya hijabi.
A cikin wani bidiyo na Instagram, Bano ta nuna bacin ranta game da kalubalen da suke fuskantar malaman Musulmi. Ta ce: "A zamanin yau, ci gaban sana'a yana da matukar wahala ga sabon malamin Musulmi."
Ta ce: "Son zuciya da yawa yana hana iyaye su tura 'ya'yansu wurin malaman Musulmi." Bano ta kara da cewa: "Komai inda kuka je; ko don gwaji ko hira, ana kin ku kawai saboda kai Musulmi ne."
Ta kuma ce ana hore wa yara da tsoro da son zuciya, wanda hakan ke sa koyar da su cikin wahala. Ta yi tambayar cewa ta yaya malamin zai koyar da yaron da yake kiyayarsa da zarar ya shigo aji?
Bano ta jaddada cewa tana girmama dukan addinai kuma ba ta tilasta wa kowa imaninta. A ranar 9 ga watan Mayu (9 Mayu), ta sake saka wani bidiyo inda ta ce makarantar gwamnati ta Buddha a Benares ta umarce ta da ko ta cire hijabinta ko ta bar wurin. Ta bayyana cewa ba a ambata wannan sharadi a lokacin hira da aka yi mata ba.
Bano ta zargi makarantar da cin zarafin 'yancinta na addini kamar yadda sashe na 25 da na 19 na kundin tsarin mulkin Indiya suka tanada, kuma ta bayyana wannan lamarin a matsayin "farfaganda mara kyau ga Musulmai."
