Mga Sunni Klerigo Tinuligsa ang Chabahar Carnage

Tinuligsa ng mga klerigo na Sunni ng Iran ang pag-atake ng mga terorista na naganap noong ika-15 ng Disyembre na umangkin ng mga buhay ng ilang dosenang Shia sa isang seremonya ng pagluluksa sa daungang siyudad ng Chabahar.

“Ang mga ahente ng “global arrogance,” mga manunulsol at mga taga-antig ng damdamin laban sa pamahalaan ay muli na namang nagsagawa ng kakila-kilabot na krimen na pumatay at nanugat sa mga nagluluksang Muslim,” sinabi ng Samahan ng mga Klerigo ng Zahedan, ang kabisera ng Probinsya ng Sistan-Baluchestan, sa isang pahayag noong Miyerkoles, ayon sa balita ng IRNA.

Nang umagang iyon, isang bomba ang sumabog sa gitna ng mga nagpuprusisyon sa Chabahar sa paggunita ng anibersaryo ng pagkakapaslang sa ikatlong Shia Imam, Imam Hussain (ang kapayapaan ng Diyos ay mapasa kanya). Ang malakas na pagsabok ay kumitil ng buhay ng 33 katao at nag-iwan ng 95 na sugatan.

Itinampok ng mga Sunni klerigo ang determinasyon ng mga komunidad ng Sunni at Shia sa probinsya na panatilihin ang pagkakaisa upang “pagsisihan ng mga kalaban ang kanilang ginawa.”

Nanawagan sila sa mga pamunuan ng seguridad at panghukuman ng bansa sa mabilisang pagtuligsa sa mga may pakana sa naganap na pag-atake at parusahan ang mga ito.

Nanawagan din ang Samahan ng mga Klerigo ng Zahedan sa isang malawakang pagpapakita ng pagkalisto at pagkakaisa ng mga mamamayan ng Sistan-Baluchestan laban sa mga pamamaraan ng mga kalaban na may layuning paghatiin ang mga Muslim na Shia at Sunni.
713074