Alinsunod sa ulat sa Saudi Diyaryo, inaprubahan ni Haring Salman na buksan ang Moske ng Propeta nang mga yugtô sa publiko, bilang bahagi ng plano ng Kaharian upang mapawi ang mga paghihigpit sa coronavirus at muling buksan ang bansa.
Pinahihintulutan ang mga sumasamba na pumasok sa moske mula sa mga pagdasal ng Fajr (maagang umaga) sa Linggo ng umaga na may hangganan na 40 porsyento na kapasidad, sinabi ng ulat.
Ang mga alpombra sa pagdasal na ikinalat sa Moske ng Propeta ay aalisin mula sa mga patyo.
Higit sa 90,000 na mga moske sa buong Kaharian, maliban sa mga banal na lungsod ng Mekka, ay magbubukas ng kanilang mga pintuan sa mga mananamba sa Linggo bilang bahagi ng kaginhawaan sa pagbabawal na mga paghihigpit upang maiwasan ang pagkalat ng nobelang coronavirus.
Ang pagbubukas muli ng mga moske ay isasagawa alinsunod sa gabay ng Ministro ng Islamikong mga Kapakanan, si Abdullatif Al Asheikh, at alinsunod sa payo na inisyu ng Matataas na Konseho ng mga Ulāma.
Ang kagawaran ay nagsimula sa isang masiglang kampanya sa media na hinikayat ang lahat ng mga mananamba na sumunod sa mga hakbang na pang-iwas para sa kanilang sariling kaligtasan upang hadlangan ang pagkalat ng COVID-19. Kabilang sa mga kautusan ay ang pagsagawa ng pag-wudū’ sa bahay, paghuhugas ng kamay at paggamit ng mga sanitizer bago lumabas sa moske at pagkatapos ng umuwi sa bahay.
Ang mga matatanda at may malubhang mga sakit ay pinapayuhan na gawin ang kanilang mga pagdasal sa bahay. Ang pagbabasa at pagbibigkas ng Banal na Qur’an sa onlayn ay pinapayo din, mula sa sariling mobayl pon o kaya magbasa mula sa pribadong pag-aari na kopya ng Banal na Qur’an.
Ang pagdadala ng sariling banig ng pagdasal upang gawin ang mga pagdasal sa mga moske ay lubos na itinatagubilin pati na rin ang pagpapanatiling dalawang metro na layo sa pagitan ng bawat isa sa pagdasal.
Ang pagsasama ng mga kabataan sa wala pa sa edad na 15 taong-gulang sa mga moske ay ipinagbabawal. Ang paglalagay ng maskara sa mukha at pag-iiwas sa pagkigkamayan at iba pang pagkakadiit ay itinatagubilin din.
Samantala, pinamamahalaan ng kagawaran, na sa panahon ng pagsara ng mga moske, gumagawa ng napakalaking paglilinis, pag-iistirilisa at pagpapanatili sa lahat ng mga moske sa buong kaharian, ayon sa mga pamantayang uri na pandaigdigan at pinakamahusay na kilalang mga kasanayan. Kasama dito ang pag-iistirilisa ng higit sa 10 milyong mga moske, 43 milyong mga kopya sa iba’t-ibang sukat at mga tomo ng Qur’an, higit sa 600,000 na Banal na Qur’an na mga paminggalan, bilang karagdagan sa pag-aayos at pagpapanatili ng halos 176,000 na mga kubeta, kalakip sa mga moske.