Panimula sa Salah/7 Mga Paghahanda para sa Salah sa Islam
Sa Salah ay kailangan natin ang Taharat (kalinisan). Ang ating katawan at ang ating mga damit ay dapat na malinis at dapat tayong magsagawa ng Rituwal na paghuhugas (Wudu o ablusyon).
Ang Wudu ay ang pahintulot sa pagpapasok ng Salah at ito ay naghahanda sa atin sa espirituwal na paraan para sa pagdasal. Kung walang Wudu, ang ating Salah ay mawawalan ng bisa.
Ang Wudu ay bahagi ng pananampalataya at nagdudulot ng liwanag at espirituwal na pansin sa puso. Sinabi ni Imam Reza (AS) na ang sinumang nakatayo sa harapan ng Diyos sa pagdasal ay dapat na malinis mula sa mga dumi at malayo sa kahinaan. Inihahanda ng Wudu ang puso para sa pagtatayo sa harap ng Diyos at pagdadasal.
Ang pagkakaroon ng Wudu ay mabuti hindi lamang para sa Salah kundi sa lahat ng oras. Kahit na natutulog habang ang isa ay nag-Wudu ay parang pagsasamba sa gabi. Ang mga mananampalataya ay inutusan din na magkaroon ng Wudu para sa maraming iba pang mga gawain ng pagsamba katulad ng pagbabasa ng Qur’an, pagbigkas ng mga pagsusumamo, paghawak sa mga pangalan ng Allah at ang Walang Kasalanan na mga Tao (AS), atbp.
Bukod sa kalinisan ng mga pananamit at katawan at pagkakaroon ng Wudu, kinakailangan na ang puso ay malaya sa inggit at poot at ang ibang mga bahagi ng katawan ay malaya sa mga kasalanan.
Hindi ba isang uri ng pagkukunwari kung malinis ang katawan at mga pananamit ng isang tao ngunit hindi malinis ang kanyang kaluluwa?
Kaya dapat magsikap na magkaroon ng pisikal at espirituwal na kalinisan at kadalisayan bago tumayo sa harap ng Diyos para sa Salah.
Ang isa pang punto ay sinuman na mga tao na may junub ay dapat magkaroon ng Ghusl (ang buong-katawan na ritwal na paglilinis).
Kung kulang ang tubig o oras para sa Wudu at Ghusl, dapat gumawa ng Tayammum.
Para sa Salah, kailangang takpan ng isang tao ang kanyang katawan, at iminumungkahi na magsuot siya ng malinis, puti at mabangong mga damit para sa Salah dahil sila ay tatayo sa harap ng Diyos.
Gayundin, ang lugar kung saan nagsasagawa ng Salah ay dapat na Mubah, ibig sabihin, hindi ito dapat pag-aari ng iba.
Ang mga sumasamba ay dapat nakaharap sa direksyon ng Ka'aba, na alin tinatawag na Qibla. Habang ang Diyos ay nasa lahat ng dako, ang pagharap sa direksyon ng Ka'aba ay isang paalala ng Abrahamikong monoteismo at ang kadalisayan ng hangarin nina Abraham (AS) at Ismail (AS) sino nagtayo ng Ka'aba.
Ipinapakita ng Qibla ang monoteistikong direksyon ng mga Muslim. Hindi lamang sa Salah, kundi sa pagsusumamo, ang pagkatay ng mga hayop, pagtutulog, at paglilibing ng patay, ang paghaharap sa Qibla ay mahalaga.
Ito ay isang mahalagang aral na laging nakakakuha ng ating pansin sa Diyos at sa bahay ng Diyos at nagpapatibay ng pagkakaisa sa mga Muslim.
