Dalawang mga Moske mula sa Panahong Ottoman sa Hilagang Macedonia ang Isasaayos
Nilagdaan ng Direktorat Heneral ng mga Pundasyon ng Turkey at ng Islamikong Panrelihiyong Sambayanan ng Hilagang Macedonia ang kasunduan, kung saan isasailalim sa pagsasaayos sa Moske ng Haci Balaban sa Skopje at ang Moske Alaca sa Tetovo (Kalkandelen) upang mapanatili ang kanilang makasaysayan at arkitektural na integridad.
Matapos ang paglagda, binigyang-diin ni Direktor Heneral Sinan Aksu ang dedikasyon ng Turkey hindi lamang sa pangangalaga ng mga ari-ariang waqf sa loob ng bansa kundi pati na rin sa pagprotekta ng pamana mula sa panahong Ottoman sa ibang bansa.
“Ang pagprotekta sa pamana na ito ay isang tungkuling hindi natin maaaring pabayaan,” pahayag ni Aksu. Binigyang-diin niya na ang mga gawaing pagpapanumbalik ay naglalayong matiyak na ang makasaysayang mga lugar na ito ay mapapanatili nang tapat para sa mga susunod na mga henerasyon.
Binanggit din ni Aksu na naunang natapos ng Turkey ang mga proyekto ng pagpapanumbalik sa tatlo pang mga lugar mula sa panahong Ottoman sa Hilagang Macedonia at inihayag ang pagsasama ng bansa sa taunang mga palatuntunang vakıf iftar, na bahagi ng patuloy na mga gawaing kawanggawa ng Turkey tuwing Ramadan.
Sinabi ni Sakir Fetai, pinuno ng Islamikong Panrelihiyong Sambayanan ng Hilagang Macedonia, na pinahahalagahan ng komunidad ang atensyong ibinibigay sa pamana ng Ottoman sa bansa. Ayon kay Fetai, inaasahan niya ang mga susunod pang magkatuwang na proyekto at hiniling niya na ang mga pagsisikap sa pagpapanumbalik ay magkaroon ng “tagumpay at pagpapala.”
https://iqna.ir/en/news/3496172
