Mga Quran sa Braille mula sa Indonesia Ipinakita sa Cairo
Inulat sa Egypt Today, sa ikalawang paglahok nito matapos ang 20 na mga taon sa perya ng aklat, itinampok ng bulwagan ang iba’t ibang mga aklat pang-akademiko at panrelihiyon.
Sinabi ni Rafiq Abdul-Aziz, isang opisyal ng Kagawaran ng Panrelihiyon na mga Gawain sa Indonesia, na ipinapakita sa bulwagan ang iba’t ibang mga aklat pang-agham, mga Quran sa Braille para sa mga may kapansanan sa paningin, pati na rin ang mga Quran sa wika ng palatandaan.
Sabi niya, ang mga akdang ipinapakita sa bulwagan ay para lamang sa impormasyon at eksibisyon at hindi ipinagbibili.
Ipinaliwanag niya na ang mga aklat at mga manuskritong pang-akademiko na ipinapakita sa bulwagan ay bunga ng mga ambag ng mga iskolar na Indonesiano sa wikang Arabik, at ang iba’t ibang mga publikasyong pang-agham at panrelihiyong mga aklat ay mainit na tinanggap ng mga bisita at ng mga may hilig sa mga usaping panrelihiyon at pang-agham mula sa Ehipto at iba’t ibang panig ng mundo.
Idinagdag ni Abdulaziz na nasaksihan ng Pandaigdigan na Perya ng Aklat sa Cairo ang paglahok ng maraming kabataan, lalo na ang mga estudyante, na naghihikayat sa kanila na mas pagtuunan ng pansin ang pagbabasa at paggalugad ng mga nalimbag na mga aklat sa lahat ng mga larangang kinagigiliwan nila.
Ang ika-57 na Pandaigdigan na Perya ng Akalat sa Cairo ay nagsimula noong Enero 23, 2026, sa Egypt International Exhibition Center at magpapatuloy hanggang Pebrero 3, 2026.
“Ang sinumang tumigil sa pagbabasa nang isang oras ay mapag-iiwanan ng daan-daang taon” ang islogan ng edisyong ito ng book fair, na dinaluhan ng 1,457 sentrong panglimbag mula sa 83 bansa.
