Ipinamahagi ang mga Qur’an sa Braille sa Perya ng Aklat sa Cairo

IQNA – Ipinamahagi sa mga bisita ang mga kopya ng Qur’an sa Braille sa Ika-57 na Pandaigdigang Perya ng Aklat sa Cairo 2026.

Ayon sa website na Youm7, ang bulwagan ng Kagawaran ng Islamikong Kapakanan, Dawah at Patnubay ng Saudi ang namahagi ng mga kopya.

Sa edisyong ito ng perya ng aklat, ipinakita ng bulwagan ang mga akdang inilathala ng King Fahd Quran Printing Complex at namahagi ng Mus’haf Al-Medinat al-Nabi sa Braille para sa mga may kapansanan sa paningin.

Ang kopyang ito sa Braille ay isa sa mga akdang inilathala ng King Fahd Quran Printing Complex.

Ang Mus’haf ay idinisenyo gamit ang isang sistema ng nakaumbok na mga tuldok upang mabasa ng mga bulag ang mga talata ng Qur’an sa pamamagitan ng paghipo.

Pinadali ng Qur’an na ito ang pagbigkas para sa mga may kapansanan sa paningin at binigyan sila ng kakayahang magbasa ng Banal na Qur’an sa isang tumpak at pinahintulutan na kinikilalang paraan.

Nagkaloob din ang bulwagan ng 50,000 na mga kopya ng Qur’an sa iba’t ibang mga sukat para sa mga bisita ng pagtatanghal.

Nagsimula na ang Ika-57 na Pandaigdigang Perya ng Aklat sa Cairo  noong Enero 23, 2026, sa Pandaigdigang Sentro ng Pagtatanghal sa Ehipto at magpapatuloy hanggang Pebrero 3, 2026.

“Ang sinumang tumigil sa pagbabasa kahit isang oras ay maiiwan ng mga siglo” ang salawikain ng edisyong ito ng perya, na alin dinaluhan ng 1,457 na mga sentro ng paglalathala mula sa 83 na mga bansa.

https://iqna.ir/en/news/3496222