Ipinakita sa Museo sa Mekka ang Bihirang Manuskripto ng Quran mula Ika-19 na Siglo
Ang manuskripto ay may mga tampok na siksik na oktagonal na disenyo na pinagsasama ang pagiging madaling dalhin at ang artistikong katumpakan at inobasyon.
Sinusuportahan ng eksibit ang layunin ng museo na turuan ang mga bisita tungkol sa kasaysayan at pag-unlad ng kaligrapiyang Quraniko, habang pinapalakas ang atraksyong pangkultura at panturismo ng distrito at pinatitibay ang pandaigdigang kahalagahan ng Mekka.
Ipinapakita rin ng museo ang replika ng pintuan ng Banal na Kaaba, na nagpapakita ng pagsasanib ng artistikong kagandahan at espiritwal na kahulugan sa kabihasnang Islamiko.
Ang replika ay nagtatampok ng mga talata ng Quran sa Arabik na kaligrapya na may masalimuot na dekorasyong Islamiko sa natatanging istilo.
Ang orihinal na pintuan ay mula pa sa panahon ng paghahari ni Haring Khalid bin Abdulaziz.
Ito ay may maseselang mga detalye at mayayamang mga ukit, kabilang ang mga talata ng Quran na nagpapakita ng kabanalan ng Banal na Kaaba.
Ang inukit na mga talata ay inayos sa balanseng pagbuo, na nagpapakita ng eksaktong disenyo, husay sa paggawa, at mga
nakapaligid na disenyo ng bulaklak at heometrikong anyo.
Naglalaman din ang museo ng isang bihirang mosaik na nagpapakita ng panimulang mga talata ng Banal na Qur’an.
Pinaghalo ng likhang-sining na ito ang maringal na Arabik na kaligrapya at ang kasaganaan ng dekorasyong sining ng Islam.
Mula pa noong ika-17 siglo, ang mosaik na ito ay nagpapakita ng pambihirang husay sa paggawa at mahabang tradisyon ng pagpapahayag ng Quran sa iba’t ibang mga anyo ng sining.
Ang museo ay umaakit ng dumaraming bilang ng mga bisita sa pamamagitan ng nilalamang pang-edukasyon at makabagong mga eksibit, na nagpapatibay sa papel ng Mekka bilang sentro ng kulturang Islamiko.
Matatagpuan ang Distritong Pangkultura ng Hira sa tabi ng Jabal Hira, kung saan naroon ang Kuweba ng Hira na pinagbuhusan ng pahayag sa Propeta Muhammad (SKNK), kaya’t may malalim itong kahalagahang panrelihiyon at pangkasaysayan.
Kabilang sa distrito ang ilang mahahalagang mga pasilidad, lalo na ang Museo ng Banal na Quran, na alin nagpapakita ng kasaysayan ng pagkakatipon at pag-unlad ng Quran, kasama ang mga interaktibo na eksibit tungkol sa Arabik na kaligrapya at sining ng Islam.
3497167
