Эъзоми Заҳро Аббосӣ ба мусобиқоти байналмилалии қуръонии Урдун
Ба гузориши ИКНА, Заҳро Аббосӣ, ҳофизи кулли Қуръони Карим ба унвони намояндаи кишвари Эрон дар мусобиқоти байналмилалии қуръонии кишвари Урдун ҳузур хоҳад ёфт. Ин мусобиқот 28 баҳман шурӯъ мешавад ва то севуми исфандмоҳ идома хоҳад дошт.
Заҳро Аббосӣ бо бист сол син яке аз ҷавонтарин намояндагони кишвари Эрон дар ин мусобиқот хоҳад буд, вай дар ҳоли ҳозир донишҷуи мақтаъи коршиносии риштаи забон ва адабиёти Араб дар донишгоҳи Теҳрон аст.
Ин ҳофизи кулли Қуръон, соли гузашта дар чиҳилупанҷумин давраи мусобиқоти саросарии Қуръони Карим дар бахши бонувон муваффақ ба дарёфти рутбаи дувум риштаи ҳифзи кул ва бар асоси қонун ба унвони намояндаи кишвари Эрон дар мусобиқоти Қуръони бонувон дар Урдун муаррифӣ шуд. Аббосӣ имсол низ дар чиҳилушашумин давраи мусобиқоти саросарии Қуръон рутбаи панҷумро ба даст овард.
Рутбаи байналмилалии ин ҳофизи кулли Қуръон, дарёфти рутбаи дуввуми мусобиқоти байналмилалии Қуръони донишҷуёни духтари Эрон ва Ироқ будааст. Мусобиқоте, ки соли гузашта ба ҳиммати донишгоҳи Ал-Азҳар баргузор шуд.
Вай дар посух ба ин савол, ки чаро намояндагони Эрон дар Урдун камтар ба муваффақият мерасанд? Гуфт: ин мавзӯъ далоили мухталифе дорад ва эҳтимолан стандартҳое, ки мадди назари баргузоркунандагони мусобиқот ба вижа дар баҳси савт ва фасоҳат ҳаст ба хубӣ риоят намекунем. Албатта як саре далоили ғайри фаннӣ ҳам ҳаст, ки бархе аз ширкаткунандагони адвори гузашта ба он ишора кардаанд, аммо ман бештар рӯи мабоҳиси фанни баҳс дорам.
Ёдовар мешавад, мусобиқоти байналмилалии Қуръони кишвари Урдун дар риштаи ҳифзи кулли Қуръон вижа бонувон баргузор мешавад, токунун 17 давраи ин рӯйдоди байналмилалӣ баргузор шуда ва дар ағлаби ин адвор намояндагоне аз кишвари Эрон ҳузур доштаанд. Муваффақтарин бонуи ширкаткунандаи эронӣ, Само Бобоӣ Равшандил, ҳофизи Қуръон буд, ки авоили соли 1395 муваффақ ба дарёфти рутбаи нахуст шуд.
