Баёнияи дафтари оятуллоҳи Систонӣ дар бораи нахустин рӯзи моҳи мубораки Рамазон
Ба гузориши Мидил Ист Нюз, дафтари оятуллоҳ Сайид Алии Систонӣ, марҷаъи тақлиди шиаён дар Ироқ бо судури баёнияе пешбинӣ кард, ки рӯзи сешанбе, 12 март нахустин рӯзи моҳи мубораки Рамазон бошад.
Дафтари марҷаъияти динии шиаён дар Наҷаф ҳамчунин, тақвими авқоти шаръии моҳи Мубораки Рамазонро мунташир кард, ки аз рӯзи сешанбе 12 март оғоз мешавад.
Дар ин тақвим, вақти имсок яъне замони шурӯъ кардани рӯза ва авқоти шаръии намози субҳ, тулӯъи офтоб, азони зӯҳр, азони мағриб ва нимашаби шаръӣ ба шакли дақиқе зикр шудааст.
Дар мулоҳизоти ин тақвим зимни дархост аз рӯзадорони мӯҳтарам барои пешакардани эҳтиёт дар замони имсок ва сарфи ғизо дар муддати муқаррар, тасреҳ шуда, ки ҳилоли моҳи мубораки Рамазон дар ғуруби рӯзи душанбе 29 шаъбон 1445 ҳиҷрии қамарӣ мусодиф бо 11 март 2024, дар соати 6:08 дақиқа ба уфуқи шаҳри Наҷафи Ашраф қобили рӯъят хоҳад буд.
Дар ин тақвим ҳамчунин омадааст: ҳилоли моҳи шавол низ дар шомгоҳи сешанбе 29 Рамазон 1445 ҳиҷрии қамарӣ мусодиф бо нӯҳуми апрели 2024 мелодӣ дар уфуқи шаҳри Наҷаф ва баъд аз ғуруби хуршед дар соати 6:27 дақиқа, дар 10 дараҷа ва 35 дақиқа болои уфуқ ва ҳудуди 55 дақиқа пас аз ғуруби офтоб қобили рӯъят хоҳад буд.
Дар яке дигар аз мулоҳизоти ин тақвим омадааст: вақти намози субҳ дар ин барнома тибқи раъйи машҳур таъйин шуда ва теъдоде аз коршиносон бар ин боваранд, ки ин замон дар тӯли сол 15 дақиқа таъхир дорад, бинобар ин касоне, ки ба дидгоҳи раъйи машҳур итминон надоранд; Бояд дар таъхири намоз ба ин миқдор эҳтиёт пеша кунанд.
