Ҳамла ба мардуми осоишта ва зерсохторҳои ғайринизомӣ оқибатҳои бисёр сангин хоҳад дошт.
Ба гузориши икно, равобити умумии Сипоҳи Посдорони Инқилоби Исломӣ дар эъломияи №24-и амалиёти «Наср 2» чунин изҳор дошт:
Ба номи Худое, ки ситамгаронро дарҳам мешиканад.
«Бо онҳо биҷангед, то фитнае боқӣ намонад.»
Дар идомаи амалиёти ҷавобии шаби гузашта, размандагони далеру ҷонфидои Нерӯи ҳавофазои Сипоҳ, дар мавҷи шонздаҳуми амалиёти «Наср 2» бо рамзи мубораки «Ё Абосолеҳ ал-Маҳдӣ, ба фарёдам бирас» ва ба ёди шаҳидони мазлуми ҷиноятҳои ахири Амрико, бо ҳадафи танбеҳи таҷовузгар ва муҷозоти артиши Амрико, ки дар матн онро «кӯдаккуш» номидаанд, ҳамлаи сангин ва ғайричашмдошт ба пойгоҳи ҳавоии Амрико дар Ал-Удайд (Қатар) анҷом доданд.
Дар ин эъломия иддао шудааст, ки дар натиҷаи ин ҳамла як низоми радарии дурпарвоз ва чанд ҳавопаймои стратегии сӯзишворӣрасони Амрико пурра нобуд шуда, чанд ҳавопаймои дигар низ осеби ҷиддӣ дидаанд.
Дар поёни эъломия омадааст, ки душмани амрикоӣ ва кишварҳои мизбони пойгоҳҳои он дар минтақа бояд бидонанд, ки убур аз хатҳои сурх ва ҳамла ба мардуми осоишта ва зерсохторҳои ғайринизомӣ бо ҷавоби бисёр сахт рӯ ба рӯ хоҳад шуд. Ҳамчунин гуфта мешавад, ки агар ин раванд идома ёбад, посухҳои боз ҳам сахттар дода хоҳанд шуд; посухҳое, ки ба гуфтаи муаллифони эъломия, дар таърихи ҷангҳо боқӣ хоҳанд монд.
«Ва пирӯзӣ танҳо аз ҷониби Худованди Тавоно ва Ҳаким аст.»
4364504