Amerkianın Suriyaya hərbi hücumu Ərəb və İslam Ümməti üçün təhlükədir

Beynəlxalq qrup: Misirin Əl-Əzhər Universitetinin Şeyxi bu gün sentyabr ayının birində bəyaniyyə yayaraq Amerikanın Suriyaya ehtimal olunan hücumunu məhkum edərək, bu hərbi təcavüzi Ərəb dünyası və İslam Ümməti üçün təhlükə hesab etdi.

İQNA-nın (Beynəlxalq Quran Xəbər Agentliyi) "vetogate" xəbər saytına istinadən verdiyi xəbərə görə Əhməd Təyyib – Əl-Əzhər Universitetinin Şeyxi, bəyaniyyə yayaraq Amerikanın prezidenti Barak Obamanın ABŞ kongresindən Suriy ordusunun kimyəvi silahlardan istifadə etməsi bəhanəsilə Suriyaya hərbi müdaxilə üçün müvafiq və müsbət rəy istəməsini məhkum edərək bildirib ki, Amerkianın Suriyaya hərbi hücumu Ərəb və İslam Ümməti üçün təhlükədir.
Əhməd Təyyib – Əl-Əzhər Universitetinin Şeyxi, bu bəyaniyyədə deyib: "Əl-Əzhər kimyəvi silahlardan hər hansı bir istifadəni pisləyir, Suriya xalqının öz taleyini təyin etməsini, şəffaf və demokratik yolla özlərinə hakim seçmələrini dəstəkləyir.
Əl-Əzhər Amerika prezidentinin Suriyaya hərbi müdaxilə barəsindəki qərarı ilə kəskin müxalifdir və bu qərarı məhkum edir.
Suriyaya hərbi hücum bütün beynəlxalq sərhədləri və qanunları ayaq altına atmaqdır. Bu hücum Ərəb dünyası və İslam Ümməti üçün bir təhlükədir.
Amerikanın Suriyaya hücum barəsindəki qərarı beynəlxalq ictimaiyyətə, təhlükəsizliyə və dünya sülhünə əhəmiyyətsizlik və onu təhlükəyə atmaqdır.
1281497