Çin: İranla əldə olunan atəşkəs tam şəkildə qorunmalıdır
“İQNA”-nın “Əl‑Aləm”-ə istinadən verdiyi xəbərə görə, Çinin BMT-dəki daimi nümayəndəsi Fu Konq cümə günü (1 may) keçirdiyi mətbuat konfransında bəyan edib ki, Pekinin mövqeyi Hörmüz boğazının mümkün qədər tez açılmasıdır.
O, bölgədəki indiki qeyri‑sabitliyin, o cümlədən Hörmüz boğazının bağlanması ilə bağlı vəziyyətin “ABŞ və İsrailin İrana qarşı qanunsuz müharibəsi” nəticəsində yarandığını bildirib.
Çin nümayəndəsi atəşkəsin sona çata biləcəyi ilə bağlı son açıqlamalardan narahatlığını ifadə edərək deyib:
“Biz atəşkəsin müvəqqəti olması və hücumların yenidən başlaması zərurəti barədə səslənən fikirlərdən ciddi şəkildə narahatıq.”
O vurğulayıb ki, atəşkəs tam şəkildə qorunmalıdır və beynəlxalq ictimaiyyət döyüşlərin bərpasına qarşı mövqe ortaya qoymalıdır.
Fu Konq sonda bildirib ki, Çin həmişə sülhü dəstəkləyir, ölkənin xarici işlər naziri Vanq Yi bütün tərəflərlə mütəmadi əlaqə saxlayır və Pekin Pakistanın vasitəçilik rolunu tam şəkildə dəstəkləyir.
4349765
