Tokio Məscidinin Açıq Qapı Günündə İslamla Tanışlıq
“İQNA”-nın “Muslimun Həvləl‑Aləm” portalının məlumatına görə, bu proqramın məqsədi İslamın doğru şəkildə təqdim olunması və qeyri‑müsəlmanların məsciddə real təcrübə yaşaması üçün şərait yaratmaqdır.
Açıq Məscid Günü müntəzəm olaraq hər iki aydan bir keçirilir. Bu tədbir ziyarətçilərə İslam dinini birbaşa mənbələrdən, İslam ibadətlərini müşahidə etməklə tanımaq və istədikləri sualları sərbəst şəkildə vermək imkanı yaradır. Bununla da İslam haqqında düzgün anlayış formalaşır və yanlış təsəvvürlərin qarşısı alınır.
Proqram iştirakçıları bir günü tam şəkildə məsciddə keçirir, müsəlmanlarla hörmət və dialoq mühitində ünsiyyət qurur, İslam adət‑ənənələri və namazla yaxından tanış olurlar.
Bu təşəbbüsün məqsədi İslamın stereotiplərdən uzaq, həqiqi və real təsvirini təqdim etmək, sual‑cavab yolu ilə dinin mahiyyətini düzgün çatdırmaqdır.
Tədbir Çiba İslam Mədəniyyət Mərkəzinin imamı Şeyx Salman Sojimotonun açılış nitqi ilə başlayıb. O, çıxışında Qurandakı elmi möcüzələrə diqqət çəkib və Quran mətninin elmi həqiqətlərlə uyğunluğunu izah edib.
Açıq Məscid Günü iştirakçıların İslam haqqında dəqiq olmayan inanclarının düzəldilməsində müsbət rol oynayır və sakit, dialoq əsaslı mühitdə dinin həqiqi mahiyyətini anlamağa kömək edir.
4348879
