Misir Beynəlxalq Quran yarışları dünyanın ən yaxşı Quran müsabiqəsi kimi seçildi

Beynəlxalq qrup: Dünyanın ən yaxşı Quran xadimləri iyul ayının 30-da Ərəbistanın keçirdiyi Ən Yaxşı Quran Xadimi yarışlarının "Qurani-Kərimə xidmət mükafatı" mərasimində təltif olundular. Bu mərasimdə Misir Beynəlxalq Quran yarışları dünyanın ən yaxşı Quran müsabiqəsi kimi seçildi.

İQNA-nın (İran Quran Xəbər Agentliyi) Ərəbistan çapı olan "İkaz" qəzetinə istinadən verdiyi xəbərə görə bu mərasim Quran Hafizlərin Dünya birliyinin təşəbbüsü və Məkkə əmiri Xalid Feysəl bin Əbdüləzizin iştirakı ilə Cəddə şəhərində keçirilmişdir.
Bu mərasimdə dünyanın ən yaxşı Quran xadimləri müxtəlif mövzularda tanıtdırıldılar.
Bu mərasimdə Yəmənin Quran universiteti dünyanın ən yaxşı Quran universiteti, Sudan Quran birliyi ən yaxşı Quran birliyi, Fransanın Quran mərkəzi ən yaxşı Quran hifzi mərkəzi, Şeyx Məhəmməd Aslani (Makedoniya) ən yaxşı Quran müəllimi, Şeyx Məhəmməd Racih (Suriya) ən yaşlı Quran qaresi kimi tanıtdırıldılar.
"Əl-İfas" (Ərəbistan Quran kanalı), "Əl-Müqrə" Taif Quran saytları da seçilmişlər sırasındadırlar.
Bu mərasimdə ən kiçik yaşlı Quran hafizləri arasında (13 ölkədən 18 iştirakçı) keçirilən müsabiqənin qalibləri də elan oldundu.
1066854