IQNA

Ayətullah Xamenei:
10:19 - September 08, 2018
Xəbər sayı: 3483805
“İki ölkənin əməkadşlıq edə biləcəyi sahələrdən biri ABŞ-ın qarşısının alınmasıdır. Ona görə ki, ABŞ bəşəriyyət üçün təhlükədir və onun dayandırılması imkanı mövcuddur.”

İran, Rusiya və Türkiyənin sanksiyalarla üzləşməsi əməkdaşlığın inkişafı üçün müştərək nöqtədirİQNA-nın (Beynəlxalq Quran Xəbər Agentliyi) verdiyi xəbərə görə, Ali Rəhbər Ayətullah Seyid Əli Xamenei həftənin Cümə günü  İranda səfərdə olan Rusiya prezidenti  Vladimir Putini qəbul edib. 

Görüşdə Ayətullah Xamenei Tehranda keçirilən üçtərəfli zirvə toplantısının  səmərəli olacağına ümidvar olduğunu bildirib və qeyd edib ki,  İran və Rusiya  arasında Suriya məsələsindəki əməkdaşlıq əlaqələrin inkişafı üçün yaxşı təcrübədir. 
 
Ayətullah Xamenei əlaqələrin  beynəlxalq məsələlərdə də  artırılmasının zəruriliyini vurğulayıb.  “İki ölkənin əməkadşlıq edə biləcəyi sahələrdən biri  ABŞ-ın qarşısının alınmasıdır.  Ona görə ki, ABŞ bəşəriyyət üçün təhlükədir və onun  dayandırılması imkanı mövcuddur.”
 
Ayətullah Xamenei Suriyadakı hadisələri ABŞ-ın qarşısının alınması üçün uğurlu nümunə kimi göstərib. 
 
Ayətullah Xamenei  ABŞ-ın  Misir və Tunisdəki  asılı hökumətlərin devrilməsindən sonra Suriyada həyata keçirmək istədiyi məqsədlərdən danışıb. “ABŞ ərəb ölkələrində o dövrdə yaranmış durumdan  istifadə edərək  Misir və Tunisdə aldığı zərbəni, Suriyada müqavimət hərakatını dəstəkləyən hökuməti devirməklə kompensasiya etmək istəyirdi, lakin  indi  bütövlükdə məğlub olub.”
 
Ali Rəhbər İran, Rusiya və Türkiyənin ABŞ tərəfindən  sanksiyalarla üzləşməsini  əməkdaşlığın inkişaf etdirilməsi üçün çox güclü müştərək nöqtə olduğunu bildirib. “İran və Rusiya  siyasi və iqtisadi əməkdaşlığını inkişaf etdirməklə yanaşı   Tehran görüşündə əldə olunan razılıqları ciddi şəkildə icra etməlidirlər.”
 
Ayətullah Xamenei nüvə proqramı üzrə imzalanmış Hərtərəfli Birgə Fəaliyyət Planına (HBFP) dair Rusiyanın mövqeyini alqışlayıb və bildirib ki, İslam Respublikası bununla bağlı ölkə və xalqın mənafeyinə uyğun  mövqe sərgiləyəcək.
 
Ayətullah Xamenei Rusiyanın regiondakı digər məsələlərlə bağlı da  siyasi rol oynaması üçün şəraitin mövcud olduğunu bidlirib və Yəmən xalqının acınacaqlı durumu və Səudiyyə Ərəbistanı tərəfindən bu xalqın  qətliam edilməsini xatırladıb.  “Səudiyyə Ərəbistanı Yəməndə heç bir uğur qazana bilməyəcək, Yəmənin müqavimət göstərən xalqını diz çökdürə bilməyəcək.” /maide.az/

 
Teqlər: iqna ، Xamenei ، Putin ، Ərdoğan
Ad:
E-poçt:
* Comment:
* captcha: