Mali Böyük Məscidinin yenidən qurulması üçün illik mərasim keçirilib
Memarlıq mütəxəssisləri bu palçıqdan tikilmiş binanı Sudan-sahil memarlıq üslubunun ən böyük tikililərindən biri hesab edirlər. Məscid güclü musson yağışlarından qorumaq üçün qum, su, şi yağı (yağlı meyvəli yerli ağac növü), düyü kəpəkləri və baobab tozunun birləşməsindən ibarət Banko adlı materialla möhkəmləndirilib.
Şəhərdə demək olar ki, hər kəs musiqi ifası və yemək paylanması ilə müşayiət olunan bu illik tədbirdə iştirak edir. Mərasimə bir neçə gün qalmış arzu olunan materiallar bir-birinə qarışdırılır və gənc könüllülər bu materialları vaxtaşırı kifayət qədər konsistensiyaya çatana qədər qarışdırırlar. Bu mərasimin keçirilməsində məqsəd məscidin ötən il ərzində yağış və ya temperatur və rütubətin dəyişməsi nəticəsində dağılmış hissələrini bərpa etməkdir.
Tarixi “Djenne” şəhəri Malinin mərkəzində yerləşir və 1988-ci ildən YUNESKO-nun Ümumdünya İrs Siyahısına daxil edilib. Bu məscidin ilkin binası 7-ci əsrə aiddir, lakin bu məscidin indiki binası 1907-ci ildə tikilib. 2016-cı ildə YUNESKO bu binanı təhlükə altındakı dünya irsi siyahısına salıb.
Bu məscid 13-cü əsrdə tikilib və indiki binası 1907-ci ilə aiddir. Mali Respublikası Qərbi Afrikada bir ölkədir; Bu ölkə Afrikanın Böyük Səhrasının cənubundadır ki, dənizə çıxışı yoxdur və onun bir hissəsi bu səhrada yerləşir. Mali xalqının 90%-i müsəlmandır və əksər kənd və məhəllələrdə uşaqlar üçün Quran maarifləndirilməsi məclisləri keçirilir.
4215482
