Qurani-Kərimin alban dilinə ilk tərcüməçisinin anım mərasimi
"İQNA", "Müslimun həvləl-Aləm"-ə istinadən xəbər verir ki, Kosovo Müsəlman Alimləri Şurası Kosovonun cənub-qərbindəki Biya şəhərində anadan olmuş din alimi və İslam təhsili sahəsində fəal Şeyx Məhərrəm Balakçurinin (1894-1968) yaradıcılığı ilə bağlı elmi panel təşkil edib.
Priştinada İslam Alimləri Şurasının iclas zalında keçirilən bu elmi dəyirmi masada Şeyx Məhərrəm Balakçurinin bir sıra övladları və nəvələri, alban tədqiqatçıları və imam caaatları iştirak edirdilər. Çıxış edənlər Şeyx Məhərrəm irsinin qorunub saxlanmasının, alban xalqı üçün ən çətin dövrlərdən biri olan bir dövrdə onun maarifçilik, maarifləndirici və elmi rolunun tanıdılmasının vacibliyini vurğulayıblar.
Şeyx Məhərrəm Quran surələrinin bir hissəsini alban dilinə ilk tərcümə edən şəxs hesab olunur. 20-ci əsrin ən mühüm alban dini kitabının “İlmul-hal” adlı kitabının yazılmasında onun böyük xidmətləri və rolu olmuşdur. Bu kitab İslamda inanc və ibadətlərin ən mühüm sütunlarını və əsaslarını ehtiva edir. O, bu sahədə ilk lüğət sayılan alban-ərəb lüğətini də yazıb. O, ana dili ilə yanaşı, üç dili: ərəb, osmanlı və fars dillərini mükəmməl bilirdi.
Bu mərasimdə Kosovonun müftisi Şeyx Naim Ternava Şeyx Məhərrəmin əsərlərinə şəxsi qayğı ilə yanaşmaq niyyətində olduğunu bildirib və onun əsərlərinin çapı və qorunmasında ölkənin İslam Alimləri Şurasının dəstəyini yüksək qiymətləndirib.
Kosovo İslam Alimləri Şurası tədqiqat sahəsində fəallıq göstərir və bu ölkənin din xadimlərinin əsərləri ilə bağlı elmi dəyirmi masalar keçirir və Kosovo alimlərinin irsini qoruyub saxlamaq və yaşatmaq niyyətindədir. Həmçinin bu şura, gənc nəsillərə İslam dəyərlərini tanıtmağa və onları bu bölgənin İslami mənşəyi ilə tanış etməyə çalışır.
Kosovonun İslam alimlərinin həyatının, onların elmi və intellektual əsərlərinin sənədli filmə çəkilməsi işi 2008-ci ildə serblərin bu bölgəni tərk etməsindən 8 il sonra başlayıb. 15 il əvvəldən Kosovo İslam Alimləri Şurası elmi konfranslar təşkil etməklə bu bölgənin İslam alimlərini tanıtmağa çalışır.
4222442
