Əbdül-Basitin tərtillə oxuduğu qiraətin bir nüsxəsi Misir Milli Media Təşkilatının prezidentinə təqdim olunub
"Əl Masry Əl-Yəvm" saytının verdiyi xəbərə görə, Əbdül-Basitin Mərakeş səfəri zamanı Vərş və Nafinin rəvayətinə əsasən etdiyi Quran tilavəti Tariq Əbdül-Basit Əbdüs-Səməd tərəfindən Milli Media Təşkilatının rəhbəri Əhməd Əl-Muselmaniyə hədiyyə edilib.
Əbdül-Basitin Quranı bu tərzdə oxuması Misirin əfsanəvi qarilərindən olan Şeyx Xəlil Əl-Husarinin qiraətindən sonra Quranın ikinci tərtil tilavətidir.
Vərşin Nafidən rəvayəti Şimali və Qərbi Afrika ölkələrində və Asiyanın bəzi yerlərində yayılmış rəvayətdir.
2025-ci ilin yanvar ayından başlayaraq Əbdül-Basitin anadan olmasının 98-ci ildönümü münasibətilə ilk dəfə olaraq Misir Quran Radiosunda Nafidən “Vərş” rəvayətində Qurani-Kərimin 3-cü qiraəti yayımlanacaq.
Şeyx Əbdül-Basit Məhəmməd Əbdüs-Səmədin (1927-1988) Quranı məlahətli səslə oxumaqda xüsusi istedadı var idi. Ona Məkkənin səsi ləqəbi verildi.
Əbdül-Basit 1984-cü ildə Misir Qarilər Birliyinin ilk prezidenti seçildi. O, Quran oxumaq üçün dünyanın bir çox ölkələrinə səfər edib.
Ustad Əbdül-Basit Əbdüs-Səməd 1988-ci ilin noyabrında şəkərli diabet və qaraciyər xəstəliyindən vəfat edib. Onun dəfnində çoxlu insan, o cümlədən İslam ölkələrinin Qahirədəki səfirləri iştirak edib.
4256843
