Yəhudi Agentliyinin rəhbəri həbs olunmaq qorxusundan Cənubi Afrikaya səfərini ləğv edib
“İQNA”-nın verdiyi xəbərə görə, “əl-Cəzirə” İsrailin “Times of Israel” qəzetinə istinadən yazıb: İsrail üçün Yəhudi Agentliyinin rəhbəri Doron Almog həbs olunmaq qorxusundan Cənubi Afrikaya planlaşdırılmış səfərini ləğv edib.
Sionist rejimin radio və televiziya qurumu bu barədə açıqlamasında bildirib: “Cənubi Afrika dünyada İsrailə qarşı ən düşmən mövqedə olan ölkələrdən biridir və bu rejimi Qəzza zolağında törətdiyi müharibə cinayətləri və soyqırıma görə Haaqa Beynəlxalq Ədalət Məhkəməsinə şikayət edib”.
Almog, ehtiyatda olan İsrail generalıdır və 7 oktyabr 2023-cü ildə əsir götürülən bir neçə nəfərlə qohumluq əlaqəsi var.
2005-ci ildə isə Almogun Qəzza zolağının cənubunda yerləşən Rəfah şəhərində təxminən 50 fələstinlinin evlərinin dağıdılmasında iştirakı səbəbindən Britaniyada həbs qərarı çıxarılmışdı. Həmin vaxt o, təyyarədən enmədən işğal olunmuş torpaqlara qayıtmağa məcbur olmuşdu.
4302648
