Əl-Əzhər və Misir Quran Radiosunun yeni tilavətlərin yazılması üzrə əməkdaşlığı
“İQNA”-nın “Qahirə 24” saytına istinadla verdiyi xəbərə görə, Misir Quran Radiosunun rəhbəri İsmayıl Duvaydar yaxın zamanda Milli Media Təşkilatı və Əl-Əzhərlə əməkdaşlıq çərçivəsində yeni tilavətlərin yazılacağını bildirib.
O, “Qahirə 24”ə açıqlamasında deyib: “Biz hələ də yazıma cavabdeh şəxslərin seçilməsi mərhələsindəyik və tilavətlərin faktiki yazımına başlamamışıq.”
Duvaydar əlavə edib: “Layihə çərçivəsində 3 yeni qiraətin yazılması nəzərdə tutulub və bununla Quran Radiosunda qiraətlərin ümumi sayı 7-yə çatacaq.”
Misir Quran Radiosunun rəhbəri vurğulayıb: “Tilavətlər mərtəl (tartillə) formasında olacaq və onları Əl-Əzhərin qariləri təqdim edəcəklər.”
O bildirib: “Keçən həftə Əl-Əzhərin şeyxi Əhməd ət-Tayyiblə görüşüm oldu və bu görüşdə layihənin detalları və onun mexanizmləri müzakirə edildi.”
İsmayıl Duvaydar xatırladıb ki, bu layihə Quran Radiosunun mövqeyini qorumaq, bu radionun dini missiyasını gücləndirmək və Qurani-Kərim tilavətlərini təsdiqlənmiş ən yüksək standartlara uyğun təqdim etmək məqsədilə həyata keçirilir.
4325947
