Babban Shehin Azhar Ya Soki Yin Amfani Da Kalmar Addinan Annabi Ibrahim
Jaridar ra'ayul Yaum ta bayar da rahoton cewa, babban shehin cibiyar Azhar ya yi suka kan yadda ake yin amfani da kalmar addinan Annabi Ibrahim a kan addinai na muslunci, kiristanci da kuma yahudanci.
Ya kara da cewa: “Ko da yake a bayyane hakan kira ne zuwa ga hadin kan al’ummar bil’adama, hadin kai da kuma kawar da abubuwan da ke haifar da rikice-rikice, amma a hakikanin gaskiya wannan kira ne wanda bai dace da yin amfani da wannan kalma ba.
" Al-Tayyib ya yi nuni da cewa: Dukkan wannan ‘yancin addini na tauhidi ne ya tabbatar da su, kuma nassosi ma a fayyace sun jaddada su.
A haƙiƙa, irin waɗannan kiraye-kirayen abu ne mai kyau kuma wajibi ne a karfafa hakan a tsakanin al'ummmi da addinai, amma yana da kyau kowane addini a kira shi da sunansa, domin fayyace komai ga mabiyansa, da kuma sanya makiya hadin kan bi adama su yanke kauna.
Sheikh Al-Azhar ya yi nuni da cewa: “Ta hanyar imaninmu da ayyukanmu, mun yi imani da cewa haduwar mutane a kan addini guda ko kuma wata manufa guda ta addinan da aka saukar daga sama, ba zai taba yiwuwa ba, amma dai za a iya fahimtar juna, kuma za a iya yin aiki tare da juna da kuma hadin kai da zaman lafiya, gami da taimakekeniya a tsakanin dukkanin mabiya addinai, da ma bil adam adama baki daya.
