Gudanar da kwas na karatun Al-Qur'ani ga daliban Afirka a Najaf

Tehran (IQNA) Sashen kula da ilimi da al'adu na hubbaren Abbasi ya sanar da gudanar da wani babban kwas na karatun kur'ani mai tsarki ga daliban Afirka a birnin Najaf.

Kamar yadda Iqna ta ruwaito; A cewar Al-Kafil, an gudanar da wannan kwas a karkashin kulawar Cibiyar Nazarin Afirka da ke da alaka da sashen kula da al'adu da hankali na hubbaren Abbasi.

Shugaban wannan cibiya Seyyed Sattar Al-Shammari ya bayyana cewa: Kungiyar malamai daga jami'o'in kasar Iraki sun gabatar da batutuwan da suka shafi wannan darasi, kuma an aiwatar da wannan shiri ne a matsayin ci gaba na darussan kur'ani da aka gudanar ga daliban Afirka a shekarun baya.

Ya kara da cewa: Makasudin gudanar da wannan kwas shi ne bayyana koyarwar kur’ani a fagage da bangarori daban-daban ga daliban makarantun hauza wadanda suka fito daga tsirarun Afirka a Najaf.

Al-Shammari ya kuma ce: Wannan darasin kur'ani zai taimaka wajen karfafa ilmin alkur'ani na kananan kabilun Afirka, kuma zai kasance mai taimaka musu na hakika a fagen karatun hauza.

4096335