An fara gasar kur'ani mai tsarki ta kasar Libya karo na 12
Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na al-Wasat cewa, a jiya Asabar ne aka fara gudanar da gasar haddar kur’ani mai tsarki ta kasa da kasa karo na 12 tare da halartar sama da mutane 96 a birnin Benghazi.
An gudanar da bikin bude gasar kur'ani ta kasa da kasa karo na 12 a kasar Libiya tare da halartar firaministan kasar Osama Hammad da babban jami'in kula da harkokin Awka da Musulunci Atef Al-Obeidi tare da adadin sauran sojojin Libiya da jami'an farar hula.
Babban daraktan hukumar Awqaf ne ya shirya gasar kur’ani mai tsarki ta kasa da kasa a kasar Libya karo na 12 tare da halartar sama da ’yan takara 96 daga kasashe 60 na duniya.
Mahalarta gasar sun fafata a fannoni guda uku: hardar kur'ani mai girma gaba daya, da haddar tafsiri, da haddar ruwayoyi goma.
A gefe guda kuma za a gudanar da wasu gasa guda biyu a bayan wadannan gasa, wadanda suka hada da karo na biyu na gasar kimiyya da bincike na kur'ani mai tsarki da kuma matakin farko na tsarin ilimin kur'ani mai tsarki.
