Mai ziyara ‘yar kasar Ukraine: Ziyarar Imam Hussain (AS) ta ninka sha'awata ta shiga Musulunci
Kamfanin dillancin labaran iqna ya habarta cewa, Ella ‘yar kasar Ukraine a ziyarar ta karo na biyu a hubbaren Imam Husaini (AS) da kuma Karbala, dangane da yadda ta lura da wannan tattaki da kuma mamakin da ta yi kan miliyoyin masu ziyarar Imam Husaini (AS) da irin karramawar da mutanen Iraqi suke yi wa maziyarta.
Kuna iya karanta bayanin kauna na wannan matar ‘yar Ukrainian a kasa:
Ban san da yawa game da addinin Musulunci ba, a lokacin da Cibiyar Musulunci ta Ahlul Baiti (AS) da ke Ukraine ta gayyace ni zuwa Karbala a lokacin Arbaeen na Imam Husaini (AS), sai na samu sha'awa mara iyaka kan musulunta kuma a lokacin da na halarci wuraren ibada na kasar Iraki, ta hanyar karanta littafai da dama, sha'awar yin tunani a kan wannan al'amari ya karu, kuma abin mamaki na ya karu saboda kyakkyawar tarba da 'yan'uwa masu hidima a wuraren ibada suke yi, da karamci da kuma girmama baki da kyakkyawar kulawa.
Abin da ya tabbatar da bincikena shi ne, addinin Musulunci dangantaka ce ta ruhi da ‘yan’uwantaka da ta ginu a kan soyayya da hadin kai da zaman lafiya, don haka ya kamata in yi amfani da damar in gode wa Allah da ni’imar karbar Musulunci ta hanyar tafarkin Ahlul-baiti ( AS).
A yanzu ina jin ni ma ina cikin wadannan wurare masu tsarki, musamman da yake wannan tafiya ta Alhamdulillah ita ce ta biyu, bayan Sheikh Al-Karbalai, mai kula da shari’ar Musulunci mai alfarma, ya gayyace ni zuwa wannan aikin ziyara, kuma na gode da wannan gayyata.
A lokacin da na zo Karbala na ga wannan taron miliyoyin mutane da suka zo ziyarar Imam Hussaini (AS) sai na ga wannan taron ba wai daga Karbala da Iraki kadai suka fito ba, sun fito ne daga kasashe daban-daban na duniya, kuma ba su kebanta da mabiya mazhabar Shi'a kadai ba, daga addinai daban-daban da suka zo ziyarar wannan mutumi mai girma, wanda ya zama abin koyi da kuma alami na bil'adama ta hanyar sadaukar da rayuwarsa da iyalansa don daukakar dan adam musamman al'ummar musulmi da addinin musulunci.
Wannan shi ne dalilin da ya sa ba za mu manta da wannan waki’ar ba, kuma hakan ne ya sanya mu ke ba wa abokanmu labarin irin girman Imam Husaini (AS) da irin sadaukarwar da ya yi bayan na koma Ukraine.
