An saka jajayen dardumomi a lullube hubbaren Imam Ali (AS) a lokacin karatowar Ashura
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Al-Utbah Al-Alawiyya cewa, a bisa al’adar cibiyar hubbaren Alawi a kowace shekara, domin gudanar da mafi kyawu a cikin jerin gwanon makokin Imam Husaini (AS) a lokacin Ashura na Husaini, an saka jajayen dardumomi a hubbaren Imam Ali (AS) .
Mataimakin shugaban sashen kula da harkokin hidima Haider Al-Eisawi ne ya sanar da wannan labari inda ya ce: sashen hidima ya fi ba da gudunmowa saboda ta shirya wani tsarin hidima na hadin gwiwa domin tallafawa tawagogin jama’a masu makoki a cikin kwanaki 10 na farkon watan Muharram.
Wannan shiri dai ya hada da cire darduma da ke kusa da Haram Sharif da kuma mayar da jar darduma a shirye-shiryen karbar ayarin makoki tun daga ranar 7 zuwa 10 ga watan Muharram.
Ya kara da cewa: Wurin da aka shirya gudanar da taron ya haura sama da fadi murabba'i 25,000 da aka sakawa jar darduma, haka kuma an fara wani shiri na musamman na tallafawa jerin gwano na Hosseini, wanda ya hada da samar da ruwan sha da wanki, domin akwai sauran tawagogi Fiye da 100 da za su iso.
Al-Eisawi ya ci gaba da cewa: An sanya na’urorin sanyayawa, kwantena, buhunan shara da dai sauran wasu muhimman abubuwa, baya ga haka kuma akwai tsarin kiwon lafiya na bayar da hidima ga masu ziyarai, sannan cibiyoyin kiwon lafiya da ke wurin suna samar da kayan aikida Abubuwan da suka dace da ma'aikata.
