Majalisar Dinkin Duniya: Yunwa a Gaza ba a taba yin irin ta ba a tarihi

IQNA - Majalisar Dinkin Duniya ta yi gargadin barkewar matsalar yunwa a duniya, inda miliyoyin mutane a duniya ke fama da matsanancin karancin abinci.

A cewar Arabi 21, Majalisar Dinkin Duniya ta yi gargadi a cikin wani sabon rahoto game da tabarbarewar matsalar yunwa a duniya. Rahoton ya ce tashe-tashen hankula da sauyin yanayi sun haifar da karuwar masu fama da yunwa musamman a yankunan Sudan da zirin Gaza.

Bayan fitar da rahoton, jami'an Majalisar Dinkin Duniya uku sun yi magana ta hanyar faifan bidiyo ga manema labarai a birnin New York, inda suka bayar da takaitaccen bayani kan sabunta rahoton rikicin abinci na duniya na shekara ta 2024 na wata shida, wanda ya kunshi lokacin har zuwa karshen watan Agustan 2024.

Rahoton ya ce adadin mutanen da ke fuskantar matsalar karancin abinci ya karu daga mutane 705,000 a kasashe da yankuna 5 a shekarar 2023 zuwa mutane miliyan 1.9 a kasashe ko yankuna 4 a shekarar 2024.

Jami'an Majalisar Dinkin Duniya sun jaddada wajabcin kara samar da kudade na jin kai cikin gaggawa da kuma kokarin shawo kan matsalolin da ke haifar da matsalar karancin abinci, kamar tashe-tashen hankula da sauyin yanayi, domin kare al'amura daga tabarbarewar yanayi da kuma hana yaduwar yunwa.

Babban masanin tattalin arziki na Hukumar Abinci da Aikin Noma ta FAO, Maximo Torreiro, ya yi nazari kan muhimman abubuwan da wannan rahoto ya fitar inda ya ce: tsanantar tashe-tashen hankula a Gaza da Sudan, da kuma fari da bala'in El Niño ya haifar da karuwar tashe-tashen hankula. Farashin abinci na cikin gida, ya kara yawan mutanen da a shekarar 2023, kasashe 18 ke fuskantar matsanancin karancin abinci. A cewar Torreiro, wannan shi ne adadi mafi girma da rahoton duniya ya rubuta kan matsalar abinci, akasari saboda rikicin zirin Gaza da Sudan.

Dangane da halin da ake ciki a Gaza kuwa, Turiro ya ce: Matsalar karancin abinci a Gaza ita ce mafi muni a tarihin rahoton Majalisar Dinkin Duniya kan matsalar abinci, kuma kusan mutane miliyan 2.2 ne ke bukatar abinci da agaji cikin gaggawa. Ya kara da cewa: Mummunan rikicin ya tsananta, ta yadda rabin al'ummar Gaza ke fama da yunwa a tsakanin Maris da Afrilu, yayin da kafin nan, kashi daya bisa hudu na al'ummar kasar na cikin wannan hali tsakanin Disamba 2023 zuwa Fabrairu 2024.

4235250