Dan wasan kwallon kafa na kasar Masar na karatun kur'ani
IQNA - Karatun kur'ani da Mohamed El-Nani dan wasan kungiyar kwallon kafa ta Masar a sansanin kungiyar ya sake jan hankalin masu amfani da shafukan sada zumunta kan soyayya da sha'awar dan wasan ga kur'ani mai tsarki.
Kamar yadda kafar yada labarai ta Al-Watan ta ruwaito, Mohamed El-Nani dan wasan kungiyar kwallon kafa ta Masar yana karanta aya ta 126 a cikin suratul Al-Imran a cikin bidiyon da aka buga.
Wannan dai ba shi ne karon farko da ma'abota shafukan sada zumunta ke ganin karatun kur'ani na wannan tsohon dan wasan kungiyar Arsenal kuma dan wasan kasar Masar a yanzu ba. A baya, ya buga bidiyon karatun Alkur'ani a sansanin 'yan wasan Arsenal ko kuma a lokacin da yake tuka mota mai zaman kansa; Bidiyon da masu amfani da shafukan sada zumunta suka yi maraba da su a Masar da sauran kasashen Larabawa.
